Rôh hôp má 8 po tung pơla lâp plâi tơnêi [ă tung kơpong dế ai hên tơdroăng pá puât, tơvâ tơvân, pá vâ ‘nâi hdrối, ki mơnhông mơdêk cheăng kâ lâp plâi tơnêi hlo rế chu kơdroh. Maluâ ti mê, tơpui tơno ‘na tơdroăng cheăng kâ, rêh ối [ă liăn ngân, Kuo#k ho#i ăm hlo tu\m péa pơkâ cheăng kâ, rêh ối [ă pêi lo liăn ngân, Kuo#k ho#i tối ai 12 pơkâ cheăng kâ rêh ối hiăng pê klêi. Cheăng kâ kân tơniăn, yă tơmeăm to kơnâ kâi mơdât pá xôp 3%, oh tá ai cheăng pêi pá xôp 4%, kế tơmeăm tâk riân châ 6,8% tung plâ hơnăm.

Lagá, hvái ngăn troh hơnăm 2020 [ă mâu hơnăm pơtối, hên mâu kăn tối hâi teăm hmiân tuăn [ă mâu kơxo# mê. Xua pơkâ pơtối rak kơlo ki to 6,8% cho pá puât tung pơla tơdroăng cheăng kâ  [ă tê mơdró lâp plâi tơnêi dế kơdroh.

Tơdroăng tơpui tơno tung péa hâi hôp, tơpui ‘na cheăng kâ rêh ối xuân châ hên mâu kăn tô tuăn, kơ-êng ti lâi tơdroăng lơ hrá ăm liăn ngân? Pôa Nguyễn Chí Dũng, Ngế xiâm pơkuâ ngăn ‘na Pơkâ [ă ‘no liăn cheăng tối tơdroăng kố tơdjâk kân troh tơdroăng mơnhông mơdêk cheăng kâ - rêh ối, malối hnoăng veăng ‘no ki pơxúa dêi GDP. Tiô pôa Trần Hoàng Ngân, khu kăn lo ing pơlê kong kân Hồ Chí Minh tối tơdroăng mơdêk x^ng xoăng liăn ngân tiô pơkâ liăn ‘no cheăng kô troh xiâm mâu liăn dêi mâu kơpong ki ê, tá kơpong krê dêi kuăn pơlê [ă cho tơdroăng ki hriăn mơdât ki mơ’nhê:

‘’Kơxo# liăn ‘no kum ăm pin ‘na ki tâk a kơlo a ‘ngêi. La ki kal cho tơdroăng pêi pro mơdât mơ’nhiê liăn, tâng hrá kô pro tâk kơxo# liăn ‘no tung tơdroăng mơjiâng [ă pro pơxúa tâ tung tơdroăng ki xúa tung pơla pin xúa liăn ‘no cheăng nôkố. Tơdroăng ki kal tâ pin thế séa ngăn mâu pơkâ dêi luât ki tơdjâk troh mơjiâng, ‘no liăn cheăng vâ pê klêi luât pơkâ, va ing mê pôi tá ai xếo tơdroăng mê tung mâu kơ’nâi’’.

Ing tơdroăng pơkâ ‘na pơkâ mơnhông cheăng kâ - rêh ối hơnăm 2020, Kuo#k ho#i vâ môi tuăn pơkâ Tung tâi tâng mâu tơmeăm tung tơnêi têa GDP tâk dâng 6,8%. Ki tâk yă rôe xúa kế tơmeăm tâng riân CPI pá xôp 4% tâi tâng kế tơmeăm tê ăm kong têa ê dâng 7%; kơxo# ki rôe tơmeăm ing kong têa ê tâng vâ pơchông [ă tâi tâng tơmeăm tê ăm kong têa ê pá xôp 3%; kơxo# rơpo\ng kơtiê (tiô pơcháu kơtiê châ ‘nâi ai hên tơdroăng) kơdroh 1% troh 1,5%, krê to mâu tơring kơtiê kơdroh 4%. Kuo#k ho#i pâ thế Chin phuh [ă mâu kơ koan mơjiâng luât tơku\m pêi mâu tơdroăng cheăng, troăng hơlâ pêi pro.

Tung mê, ki tơxâng vâ tối cho troăng hơlâ pơtối mơjiâng, pê klêi pơkâ tiô luât, tro troăng hơlâ tâi tâng, tro tiô pơkâ tơru\m cheăng; rak tơniăn cheăng kâ kân, séa ngăn ki kơnâ yă, rak tơniăn ăm tơdâng tơ’mô kân, pro xiâm vâ mơnhông mơdêk re\ng [ă krá tơniăn ton. {ă tơdroăng môi tuăn [ă hnoăng cheăng pêi, rôh hôp má 8 hiăng pê klêi tơdroăng pơkâ. Ki tơ-[rê tung hneăng hôp kố cho tơdroăng cheăng mơjiâng luât [ă ing tơdroăng tơbleăng 11 luât pro xiâm ăm tơdroăng cheăng rak ngăn, pơkâ, pro xiâm mơnhông mơdêk krá tơniăn dêi tơnêi têa.

Ki tơxâng vâ tối, kơ’nâi 3 rôh hôp, hnê tối, a rôh hôp má 6 Kuo#k ho#i hiăng tơbleăng Luât pêi cheăng (‘mâi hơ’leh). Pơkâ ‘na ‘mâi rơnêu hơnăm pơtê cheăng xua hiăng krá tâk 62 hơnăm [ă mâu kơnốu, a hơnăm 2028 [ă 60 hơnăm [ă mâu kơdrâi a hơnăm 2035 ah hiăng pro hên ngế kuăn pơlê vâ ‘nâi. Pôa Đào Ngọc Dung, Ngế pơkuâ ngăn ‘na cheăng pêi mô đo#i tro rong [ă pơlê pơla tối:

‘’Ai mâu tơdroăng, ki kal péa pá chât hơnăm [ă ngin. Kố cho rôh ki pin tơbleăng mâu tơdroăng tơhrâ tung tơdroăng tơhrâ lâp plâi tơnêi xuân môi tiah mâu tơdroăng tơhrâ tê mơdró. Tung tơdroăng tơchoâm, pin pêi pro tiô luât vâ tơtro [ă tơdroăng pơkuâ ngăn tơchoâm dêi Lâp plâi tơnêi, la xuân tơtro [ă tơdroăng pơkâ tơchoâm dêi pin’’.

Kuo#k ho#i xuân tơbleăng Luât ‘mâi hơ’leh, tơ’nôm mâu tơdroăng dêi Luât kăn [o#, ko\ng chưk [ă Luât viên chưk [ă pơkâ ki khât tah lôi luât pơkâ to\ng kum ‘’viên chưk plâ rơxông’’ xêt a khế 7/2020/Luât kăn [o#, ko\ng chưk xuân pơkâ  tơchoâm ‘na pơxâu mâu kăn [o#, ko\ng chưk hiăng pơtê cheăng, ki pơtê xua hơnăm hiăng krâ; luât ai pơkâ nhên ‘na tơdroăng pơxâu phak, tung mê ai tơdroăng pơxâu ki ‘’kơdroh tah hnoăng pro kăn ki hiăng pêi’’ cho vâ rak tơniăn môi tuăn [ă tơdroăng mơ’no tiô pơkâ dêi Đảng.

Môi tơdroăng nếo tơxâng thế tơmâng cho rôh hôp mê, Kuo#k ho#i têk ko\ng vâ tơbleăng pơkâ ‘na tối tơbleăng tí tăng ‘nâi ple\ng ‘na tơdroăng tơkêa ‘na tơ-raih tơ-[ai rôh má 1 kơnâ 4 rơtal 800 rơtuh dollars Mih.

{ă mâu tơdroăng ki hiăng tâng, hiăng hlo a hneăng hôp má 8, kuăn pơlê tung lâp tơnêi têa hiăng hlo tiah kố, Kuo#k ho#i ôh tá xê bú to pêi klêi luât, pơkâ mâu tơdroăng ki kal dêi tơnêi têa [ă ối cho pêi tro hnoăng cheăng dêi tơnêi têa mê ối pêi tro hnoăng cheăng séa ngăn dêi tơná. La ki xiâm gá [ă kân tâ ki kuăn pơlê tơmâng mê cho rơkong tơhrâ [ă túa pêi pro dêi Chin phuh, xuân môi tiah mâu ngế tung Chin phuh tung tơdroăng tơhrâ pêi tơ-[rê mâu tơdroăng pơkâ, vâ djâ dêi tơnêi têa mơnhông tơniăn.

Lại Hoa chêh

Gương tơplôu [ă tơbleăng