VOV4.Sêdang - A Hà Nội, Vi ƀan hdroâng mơngế ƀă Kăn teăng mâ Ireland a Việt Nam hiăng tơkŭm po Leh kĭ mơ-éa ‘mâi rơnêu tơ’nôm môi tuăn tŏng kum pơla Chin phuh Việt Nam ƀă Chin phuh Ireland tŏng kum mâu cheăm ki pá puât ối tung Tơdroăng pơkâ xiâm Tơnêi têa mơnhông mơdêk cheăng kâ – rêh ối pơlê pơla kơpong vâi krâ hdroâng kuăn ngo ƀă kong ngo hneăng hơnăm 2021 – 2030.

Xông tơpui a Leh kĭ tơkêa, pôa Hầu A Lềnh, Ngế xiâm, Kăn pơkuâ mơnhên: Tung plâ 15 hơnăm hiăng hluâ, Chin phuh Ireland đi đo tơmâng tŏng kum đi đo ăm kơpong vâi krâ hdroâng kuăn ngo dêi Việt Nam. Mâu kơxô̆ liăn tŏng kum cho kơxô̆ liăn ki kơnía. Kố ôh tá xê to tơmeăm khoăng mê ối ai tung mê cho tơdroăng tuăn pâ trâu hơngế dêi Chin phuh ƀă kuăn pơlê Ireland ăm Việt Nam ƀă ăm pơlê pơla mâu hdroâng kuăn ngo a tíu ki pá puât má môi tung pơla kố nah. Kơxô̆ liăn tŏng kum dêi Chin phuh Ireland  hiăng kum xăm kơklêa kơdroh kơtiê a Việt Nam.

A Sa Ly tơplôu ƀă tơbleăng