Ai lối 2.700 ngế vâi krâ nhŏng o a 6 to cheăm kơpong hngế hngo dêi tơring Ea Hleo, kong pơlê Dak Lak châ khăm séa ngăn ƀă pơlât pơreăng kơ-o lo mơheăm. Tơdroăng kố cho xua Tíu xiâm Tŏng kum tơmiât rơkê Tối tơbleăng pơlê pơla, ối tung Khu xiâm ngăn khoa hok ƀă Kŏng ngê̆ tơrŭm ƀă Hngêi pơkeăng plât xôu kong pơlê Dak Lak tơkŭm po, pro sap ing hâi lơ 9/11 troh tâi hâi lơ 15/11.

Nôkố, kơxô̆ mơngế tro pơreăng kơ-o lo mơheăm lâp kong pơlê Dak Lak xuân ối a kơlo 170 ngế/100.000 ngế; ối ai hên ngế ki tro pơreăng kơ-o lo mơheăm tung pơlê pơla tá hâi châ ‘nâi, vâ teăm pơlât tơdrêng. Kơvâ ngăn pơkeăng ƀă khăm pơlât Dak Lak hiăng mơdêk pêi pro tơdroăng khăm ngăn ƀă pơlât tung pơlê pơla. Tung rôh kố, Tíu xiâm Tŏng kum tơmiât rơkê Mơnhông pơlê pơla tŏng kum khăm séa ngăn a 6 to cheăm dêi tơring Ea Hleo, ƀă ton tung 6 hâi, kơxô̆ ngế khăm dâng 2.700 ngế, tâi tâng pơrá châ xup um; drêng châ ‘nâi ai pơreăng kơ-o kơ-hêa séa ngăn ƀă tâng ai pơreăng kơ-o lo mơheăm kô châ pơlât tơdrêng hlối.