Kơ’nâi châ ‘nâi ai 2 tíu tâ tú pơreăng tơngê kơ-ôk A ( H5N1) a rơpŏng kuăn pơlê ki păn í pêap tung cheăm Ea Kly, tơring Pač, Tíu xiâm Séa ngăn mơdât pơreăng kong pơlê Dak Lak hiăng tơrŭm ƀă kơvâ ngăn pơkeăng mơlât mơnăn  ƀă mâu kăn cheăm tơring tơbleăng pêi hên tơdroăng hbrâ mơdât pơreăng tơngê kơ ôk A/H5N1 lơ xông tâ tú a í pêap ah lơ tâ tú a mơngế.

Ing mê, Tíu xiâm séa ngăn mơdât pơreăng (CDC) kong pơlê Dak Lak hiăng séa ngăn, pêi pro mâu tơdroăng mơdât, vâ ‘nâi pơreăng kơ-ôk í pêap tâ tú a mơngế a cheăm Ea Kly, tơring Krông Pač; Tơrŭm ƀă Kơ koan ngăn pơkeăng pơlât mơnăn hnê tối ăm kuăn pơlê ‘nâi tơdroăng ki í pêap hlâ hmâng vâ ƀă hnê tối a kuăn pơlê pôi tá chơ mâu í pêap, kơdê í pêap hmâng vâ, tê, pế kâ í pêap ki ôh tá ‘nâi xiâm ulâi, malối í peâp ki hiăng hlâ.

Tíu xiâm Séa ngăn mơdât pơreăng xuân hiăng xo túa khăm ngăn ƀă hnê kuăn pơlê thế klâ krê pơtân, ngăn dêi í tung pơla 21 hâi vâ hbrâ mơdât lơ tâ tú pơreăng ing í pêap troh a mơngế. Nôkố, tâi tâng mâu túa khăm ngăn xuân dế hlo âm tính ƀă virus kơ-ôk A (H5N1).