Tiô tối tơbleăng dêi Tíu xiâm séa ngăn mơdât pơreăng kong pơlê Dak Lak, tung kong pơlê nếo ‘nâi ai 2 tíu tâ tú pơreăng lo kơtuâ ‘mêi to a tơring Lăk ƀă pơlê kong kơdrâm Ƀuôn Ma Thuột. Klêi tối ăm ‘nâi mâu ngế tâ pơreăng, mâu ngăn pơkeăng hiăng séa ngăn pơreăng tâ tú. lăm xôh pơkeăng ChloraminB kơdê pơreăng ƀă ăm pơkeăng Chloramin B ăm mâu hngêi trung ki ai vâi hdrêng tâ pơreăng vâ xôh kơdê pơreăng rêm hâi. Pakĭng mê, hlối hnê mâu nôu pâ ki ai ngế tâ pơreăng hum xếo rêm hâi, hnê kuăn pơlê tung mơ-eăm pâk vaccine  mơdât lo kơtuâ ‘mêi, tâng hlo ai tơdroăng tơngê, tung châ lo pơtong ai têa thế lăm troh a hngêi pơkeăng pơlât vâ teăm pơlât prêi.

Tiô Tíu xiâm séa ngăn mơdât pơreăng kong pơlê Dak Lak, sap apoăng hơnăm kố lâp tung kong pơlê châ ‘nâi ai 44 ngế tâ pơreăng lo kơtuâ ‘mêi, a mâu tơring, pơlê kong krâm, pơlê kong kơdrâm. Hơnăm mâu ki tâ hên cho vâi hdrêng pá xôp 15 hơnăm ƀă hmâ hlo a mâu hngêi trung mầm non ƀă râ má môi.