Tiô tối tơbleăng a rôh hôp, tung hơnăm 2022 (riân troh hâi lơ 30/10), lâp kong pơlê Gia Lai hiăng tơkŭm po tơbleăng châ 84 rôh pleăng mơheăm, tơdroăng kố hiăng tơdah xo lối 18 rơpâu tơdrong mơheăm, châ 120% tơdroăng pơcháu. Tung mê, Hngêi pơkeăng kân kong pơlê Gia Lai hiăng tơdah xo lối 14.600 tơdrong mơheăm ƀă Hngêi pơkeăng Quân y 211 tơdah xo lối 3.300 tơdrong mơheăm.

Ai 415 tơdrong mơheăm kal tŏng kum tơdrêng hiăng châ tối tơbleăng teăm tơdrêng ăm mâu tíu khăm pơlât vâ pơlât ăm mâu ngế ki kal vâ mơheăm. Tung hơnăm 2023, Khu hnê mơhno mơhnhôk pleăng mơheăm kong pơlê Gia Lai mơ-eăm tơdah xo lối 16 rơpâu tơdrong mơheăm.

Tơdrêng amê hlối mơ-eăm mơhnhôk kơxô̆ ngế pleăng mơheăm châ sap ing 95 – 97%; kơxô̆ ngế pleăng mơheăm ki vêh pleăng nếo châ lối 75% ƀă kơxô̆ ngế pleăng mơheăm tơdâng châ 1,1% pơ’leăng mâ mơngế.