Sap ing apoăng hơnăm 2023 troh nôkố, a kong pơlê Gia Lai hiăng ai 5 ngế hlâ xua pơreăng kôk rơxôk. Ngế ki hlâ xua tro pơreăng kôk rơxok nếo má môi cho jâ Đ.T.C (Kot mâ hơnăm 1956, a thôn Đà Bắc, cheăm Ia Lâu, tơring Čư̆ Prông).

Tiah mê, a khế 10/2022, jâ Đ.T.C tro chó ki rơpŏng păn kâ a chêng. Klêi mê chó ki mê châ rơpŏng hngêi kơdê hlâ. Jâ Đ.T.C xếo xêh tíu ki tro rong ƀă têa, xua ôh tá vâ tơmâng ôh tá troh a hngêi pơkeăng vâ pâk vaccine hbrâ mơdât pơreăng kôk rơxok.

Sap ing apoăng hơnăm 2023 troh nôkố, a Gia Lai hiăng ai 5 ngế hlâ xua tro pơreăng kôk rơxok. Tiô riân ngăn, pơla hơnăm 2015 – 2022, kong pơlê Gia Lai ai 33 ngế ngế hlâ xua tro pơreăng kố. Tiô Tíu xiâm Hbrâ mơdât châi tamo kong pơlê Gia Lai, pơreăng kôk rơxok xuân u ối a kong pơlê cho xua tơdroăng cheăng kâ ối xơpá, kuăn pơlê tá hâi hlê plĕng tơdroăng ki pâk vaccine hbrâ mơdât klêi kơ’nâi tro chó, miếo kâ. Khôi túa ki păn chó miếo kơ’nêi hmâng vâ xuân pro tơdroăng ki hbrâ mơdât pơreăng kố xơpá.