Klăng leh tơbâ 68 hơnăm Hâi Ƀok thái pơkeăng Việt Nam, hâi lơ 26/2, jâ Võ Thị Ánh Xuân, râng hnoăng Kăn xiâm hnê ngăn tơnêi têa hiăng troh lăm pôu ƀă rơkâu ƀok thái pơkeăng Hngêi pơkeăng Y học Cổ truyền ƀă phuk hôi chưk năng kong pơlê Bình Thuận. Klêi kơ’nâi lối 45 mơjiâng ƀă mơnhông mơdêk, Hngêi pơkeăng Y học Cổ truyên ƀă Phuk hôi chưk năng kong pơlê Bình Thuận ôh tá xê pêi pro tơdroăng khăm pơlât mê ối cho tơdroăng hriăn plĕng khoa hok ‘na pơkeăng vâi krâ nah ƀă hên tơdroăng hriăn plĕng, râ pơlê kong kơdrâm ƀă râ Khu xiâm pơkuâ ngăn pơkeăng ƀă khăm pơlât.

Hên tơdroăng hriăn plĕng châ tơƀrê dêi hngêi pơkeăng châ xúa kân rơdâ hiăng mơjiâng tơdroăng ki loi tơngah ăm kuăn pơlê troh khăm pơlât a hngêi pơkeăng. Jâ Võ Thị Ánh Xuân pói vâ, khu râ kăn pơkuâ kong pơlê Bình Thuận pơtối tơmâng mơ’no liăn cheăng tro kơlo tâ, tơtro ƀă tơdroăng mơnhông mơdêk dêi kong pơlê ăm kơvâ ngăn pơkeăng ƀă khăm pơlât.