VOV4.Sêdang - Jâ Trương Thị Mai, Ngế pơkuâ ngăn Khu kăn Kuô̆k hô̆i kong pơlê Lâm Đồng hiăng ai rôh trâm mâ kuăn pơlê a peá tơring Dam Rông ƀă Lâm Hà. Kuăn pơlê a 2 tơring khĕ kơdeăn tơdroăng pêi cheăng dêi khu kăn Kuô̆k hô̆i hneăng 14 tíu pêi cheăng kong pơlê Lâm Đồng tung hneăng hdrối kố nah. Kuăn pơlê púi vâ tung hneăng la ngiâ, khu kăn Kuô̆k hô̆i kong pơlê pơtối ai tơ’nôm mâu hnoăng veăng ‘no ki kal ăm tơdroăng pơkâ mơnhông cheăng kâ rêh ối tơnêi têa ƀă kong pơlê.

Kuăn pơlê púi vâ Kuô̆k hô̆i, Tơnêi têa rĕng tơmâng 'no liăn ‘mâi rơnêu pro troăng kân 27 ki hiăng tơ’nhiê ó vâ tơ’’lêi hlâu tung prôk lăm ăm kuăn pơlê; kum ‘na khăm pơlât. Mâu tơdroăng ki Kuô̆k hô̆i pơkuâ, Chin phuh hiăng châ jâ Trương Thị Mai - Ngế pơkuâ hnê mơhnhôk cheăng tiú xiâm tơmâng xo, tối nhên ƀă tơxâng, ai tiô tơdroăng púi vâ dêi kuăn pơlê.

Gương tơplôu ƀă tơbleăng