VOV4.Sêdang - Kơxê lơ 6/4, Kuô̆k hô̆i hiăng tơbleăng ăm pêi pro Pơkâ rah xo Kăn xiâm phŏ hnê ngăn tơnêi têa Kŏng hoa xah hô̆i chuh ngiah Việt Nam hneăng hơnăm 2016 – 2021. Pơkâ tối nhên Kuô̆k hô̆i hneăng má XIV rah xo jâ Võ Thị Ánh Xuân, Kăn cheăng tung Khu xiâm Đảng, Kăn pơkuâ hnê ngăn cheăng Đảng kong pơlê, Kăn pơkuâ khu râ kăn teăng mâ Kuô̆k hô̆i hneăng má XIV kong pơlê An Giang, to pro Kăn xiâm phŏ hnê ngăn tơnêi têa Kŏng hoa xah hô̆i chuh ngiah Việt Nam hneăng hơnăm 2016 – 2021.

Pôa Vương Đình Huệ, Kăn xiâm hnê ngăn Kuô̆k hô̆i rơkâu jâ Võ Thị Ánh Xuân, Kăn xiâm hnê ngăn tơnêi têa

Jâ Võ Thị Ánh Xuân kot mâ hâi lơ 8/1/1970, pơlê xiâm a cheăm Thới Sơn, tơring Tịnh Biên, kong pơlê An Giang. Tơdroăng hriâm pêi cheăng: Cưh nhân khoa hok, kơvâ Sư phạm Hŏa hok; thak sih kơvâ pơkuâ tơdroăng tơnêi têa.

Jâ Võ Thị Ánh Xuân cho kăn châ rah xo pêi cheăng tung Khu xiâm Đảng hneăng má XI, Kăn cheăng tung Tíu xiâm Đảng hneăng má XII, XIII; kăn teăng mâ Kuô̆k hô̆i hneăng má XIV.

A Sa Ly tơplôu ƀă tơbleăng