VOV4.Sêdang - Kơxê lơ 12/5, Khu kăn séa ngăn, tí tăng ngăn tơdroăng tâ phĭu dêi Vi ƀan pơkuâ cheăng Kuôk hô̆i, Hô̆i đong tâ phĭu tơnêi têa xua jâ Võ Thị Ánh Xuân, Kăn xiâm phŏ hnê ngăn tơnêi têa pro xiâm ki pơkuâ djâ khu kăn hiăng troh lăm séa ngăn tơdroăng cheăng hbrâ tâ phĭu a mâu tíu tung pơlê kong kơdrâm Gia Nghĩa, kong pơlê Dak Nông. 

Jâ Võ Thị Ánh Xuân, Kăn xiâm phŏ hnê ngăn séa ngăn tơdroăng tâ phĭu a pơlê kong kơdrâm Gia Nghĩa

Nôkố pơlê kong kơdrâm Gia Nghĩa hiăng mơjiâng 59 tíu tâ phĭu, ai 8 rơpâu 560 ngế kô veăng lăm tâ phĭu. Kong pơlê hiăng pơkâ nhên kô rak tơniăn ‘na kring vế gak tơniăn ăm pơlê pơla, hlối hbrâ mơdât pơreăng hdrối, tung pơla tâ phĭu ƀă klêi kơ’nâi tâ phĭu. Klêi séa ngăn, jâ Võ Thị Ánh Xuân, Kăn xiâm phŏ hnê ngăn tơnêi têa khĕn kơdeăn khât mâu tơdroăng ki mơ-eăm dêi pơlê kong krâm Gia Nghĩa tung tơdroăng tơbleăng teăm tơdrêng, tro hâi khế pơkâ mâu tơdroăng cheăng hbrâ tâ phĭu.

Pakĭng mê, púi vâ mâu tơring cheăm thế pêi pro tro tơdroăng cheăng hbrâ mơdât pơreăng COVID-19 tơniăn ăm kuăn pơlê lăm tâ phĭu vâ hâi tâ phĭu cho hâi leh kân dêi tâi tâng kuăn pơlê. 

Gương tơplôu ƀă