VOV4.Sêdang - Kơxo hâi lơ 16/9, a  Hà Nội, jâ Võ Thị Ánh Xuân, Kăn xiâm phŏ hnê ngăn tơnêi têa ai rôh pêi cheăng ƀă kăn ƀô̆ ngăn pơkeăng, ƀok thái pơkeăng  Viện Huyết học- Truyền máu Trung uơng ƀă hlối hbru tơmeăm ăm mâu vâi o ki dế pơlât ahdrối hâi Tết trung thu. Jâ Võ Thị Ánh Xuân pơtroh rơkong hơlêm, mơhnhôk ƀă hlối hbru tơmeăm teăng mâ ăm mâu vâi o ki dế pơlât a kố. Rêm kơxu tơmeăm tung mê ai kơ-ƀăn trung thu, têa tôu ro, tơmeăm xah hêi pơklêp um ƀă liăn.

Kăn xiâm phŏ hnê ngăn tơnêi têa lăm pôu, hơlêm, mơhnhôk mâu vâi o ki pơlât

Xuân tung hâi ki mê, pêi cheăng ƀă kăn ƀô̆ ngăn pơkeăng, ƀok thái pơkeăng dêi Viện Huyết học Truyền máu Trung ương, jâ Võ Thị Ánh Xuân, kăn xiâm phŏ hnê ngăn tơnêi têa tối mâu tơdroăng mơ-eăm dêi Tíu pêi cheăng kố hlối plâ mơdât pơreăng, hlối rak tơniăn tơdroăng khăm pơlât, hlối veăng ăm 125 ngế cheăng ngăn pơkeăng lăm veăng kum pơlê kong kân Hồ Chí Minh.

Pakĭng tơdroăng rak tơniăn ai mơ-eăm vâ ‘mot ăm tiô mâu ngế kal vâ ki pơlât akố ƀă 172 toăng hngêi pơkeăng peăng Kơnhŏng, mê  Viện Huyết học- Truyền máu Trung ương ối ăm teăm tơdrêng lối 12 rơpâu tơdrong mơheăm kum ăm mâu hngêi pơkeăng kơpong peăng hdroh tơnêi têa tung pơla pơlât COVID-19 tâ tú hên.

 Nhạc cắt -sau số 4

Gương tơplôu ƀă tơbleăng