VOV4.Sêdang - Pôa Phạm Minh Chính, Ngế pro xiâm hnê ngăn tơnêi têa nếo hnê mơhno, kal pơ’lêh nếo troăng châ xúa kơmăi kơmok tung hbrâ mơdât COVID 19. Pơtối mê, mâu kơmăi kơmok hiăng châ Khu xiâm pơkuâ tơdroăng kal tiô troăng hyôh um tơvi, rơ’jíu ƀă internet pơcháu mâu khu tê mơdró kơmăi kơmok tung tơnêi têa mơjiâng pro tung pơla kố nah, kô chiâng kế tơmeăm khoăng pơkâ thế ‘mot tung phôn râng kŏng ki rơkê dêi mơngế ki xúa drêng troh mâu tíu tơkŭm kơdrâm mơngế, kum châ hlo drêng ối achê, kơdroh tơdroăng thế klâ kơtăn ƀă ti tăng mâu ngế F1, F2 môi tiah nôkố.

Pôa Phạm Minh Chính, Ngế pro xiâm hnê ngăn tơnêi têa

La ngiâ, Khu xiâm pơkuâ ngăn pơkeăng ƀă khăm pơlât kô tơbleăng mơ-éa pơkâ ‘na tơdroăng pơkâ ‘mot mâu phân mêm, vâ hbrâ mơdât COVID 19. Klêi kơ’nâi roh hôp mơ’no tơdrêng tung um tơvi hâi lơ 26/5 ƀă 2 kong pơlê Bắc Ninh ƀă Bắc Giang ƀă ki rơhêng vâ tối klêi kơ’nâi ai tơdroăng hnê mơhno dêi Ngế pro xiâm hnê ngăn Chin phuh ‘na tơdroăng thăm xúa kơmăi kơmok kŏng ngê̆ thông tin tung tơdroăng hbrâ mơdât COVID 19, Khu xiâm pơkuâ tơdroăng kal tiô troăng um tơvi, rơ’jíu ƀă internet hiăng pơkâ, pơklât thế ‘mot phân mêm mơjiâng pro a Việt Nam.

A Sa Ly tơplôu ƀă tơbleăng