VOV4.Sêdang -  Kơxo lơ 25/5, pôa  Dương Văn Trang - Ngế cheăng tung Tíu xiâm Đảng, Kăn hnê ngăn Đảng kong pơlê Kon Tum hiăng lăm pôu, pêi cheăng ƀă Khu pêi cheăng tơrŭm pêi chiâk Tơdâng tơ‘mô Pô Kô Farms a tơring Đăk Hà. Hơnăm 2020 cho hơnăm ki apoăng Pô Kô Farms tơbleăng tê tơmeăm ngế 2 túa tơmeăm: kơphế kơ-óu uâ pơliê ƀă chếi phái mơheăm.

Pakĭng mê, kơphế kơ-óu uâ pơliê châ xo kơ-óu ing plâi ki krí ki lĕm ai hlâu akố, mê chếi phái mơheăm cho môi túa chếi ki ôu pro lĕm ivá, lĕm ngiâ méa châ chăn châ uâ pơliê pro ing mâu báu ki chối tơvât ing kơdrum kơphế.

Pô Kô Farms chiâng tíu ki tê kloăng ngiât ki vâi ô eăng, lĕm, tơniăn tăng xiâm ki pêi pêt ăm hên khu ki kơ-óu uâ pơliê tung lâp tơnêi têa ƀă lâp plâi tơnei. Hơnăm 2020, tâi tâng kơxô̆ liăn pêi lo châ lối 18 rơtal liăn. Kăn hnê ngăn Đảng kong pơlê Kon Tum thế Khu pêi cheăng tơrŭm pơtối ‘mâi mơnhông khu pêi cheăng pê klêi tơdroăng mơdêk tơ-ƀrê tơdroăng cheăng, tơrŭm môi tuăn dêi rơpó, pơtối rak vế ki rơkê vâ pơkuâ hnê, rak ngăn mơjiâng khu pêi cheăng tơrŭm. Pakĭng mê, hlối thế tơring Đăk Hà po rơdâ túa pêi cheăng tơrŭm mê chiâng môi tiú pêi cheăng ki tro.

 Gương tơplôu ƀă tơbleăng