VOV4.Sedang - Pôa Dương Văn Trang – Kăn cheăng tung Tíu xiâm Đảng, Kăn pơkuâ hnê ngăn Đảng kong pơlê Kon Tum nếo troh lăm pôu ƀă pêi cheăng ƀă kăn ƀô̆, mâu lêng Đông mô đô̆i gâk tíu tơkăng kong Tíu tê mơdró ngi kong têa ê Bờ Y. Tiô tơbleăng, tung hơnăm 2020 ƀă pái khế apoăng hơnăm 2021, Đông hiăng pơxiâm, xăm tối ai 6 roh, 9 ngế, rup lối 13 kilô ma tŭi tŭm túa, hiăng pêi kêi đeăng hô sơ apoăng, pơcháu mâu ngế ki pro xôi, tơmeăm ki rup, rơxế ăm Kŏng an kong pơlê pơtối séa ngăn, pơxâu phak tiô pơkâ dêi luât; pơxâu phak lối 130 roh, lối 350 ngế pro xôi pơkâ tíu tơkăng kong, mot lo ôh tá tro luât.

Tíu roh pêi cheăng

Klêi mê, tơrŭm ƀă mâu khu cheăng châ hlo, rup 2 roh/2 ngế, rup râng lối 1.430 kilô mlŏi tŭm túa…Mơgêi roh pêi cheăng, pôa Dương Văn Trang, Kăn pơkuâ hnê ngăn Đảng kong pơlê Kon Tum pơkâ thế Khu hnê mơhno Đông mô đô̆i gâk tíu tơkeăng kong tíu tê mơdró ngi kong têa ê Bờ Y pêi cheăng ƀă pôu râng hnoăng cheăng châ pơcháu; thăm kơchăng, hbrâ kơchăng, ôh tá tro pơloăng djâ, pro xôi luât.

            A Sa Ly tơplôu ƀă tơbleăng