VOV4.Sedang - Pôa Dương Văn Trang, Ngế cheăng tung Tíu xiâm Đảng, kăn pơkuâ ngăn Đảng nếo lăm séa ngăn hnoăng cheăng rak ngăn, rak vế ƀă thăm mơnhông pêt kong a cheăm Đăk Tăng, tơring Kon Plông. Kăn pơkuâ ngăn Đảng pơchân cheăm Đăk Tăng kal pơkuâ ngăn, rak vế tro 630 to xiâm loăng hngó 5 kơtâ hlá ki chiâng xêh dế ai nôkố. Mê cho hdrê  loăng hngó ki ai chhá ƀă têa rơmâ hên tâ hdrê loăng hngó 3 kơtâ hlá, lĕm, tơtro vâ pêt a mâu kơ koan, hngêi trung hriâm, tíu pêi cheăng. Nôkố, Khu rak ngăn Kơpong pêi chiâk deăng xúa kơmăi kơmok chal nếo Mang Deang hiăng po rơdâ hdrê châ dâng 400 xiâm loăng hngó 5 kơtâ hlá.

Kăn pơkuâ ngăn Đảng kong pơlê Kon Tum pơkâ thế tơring Kon Plông pơtối pơkâ thế Khu rak ngăn Kơpong cheăng ƀă kơmăi kơmok chal nếo Mang Deang pro hdrê loăng hngó kố vâ po rơdâ ƀăng tơnêi pêt a tơring, cheăm, kum ăm tơdroăng ôm hyô, mơdêk ki pro xâp rơngiâp ăm kong, tăng cheăng pêi, pêi lo liăn ăm kuăn pơlê sap ing tơdroăng ki kúa xo chhá, têa rơmâ ƀă xo plông loăng.

Nga tơplôu ƀă tơbleăng