VOV4.Sêdang - Pơxiâm sap hâi kố, lơ 15/3 troh tâi hâi lơ 31/12/2021, Kan săt rak tơniăn troăng klông ƀă rơxế kơtâu lâp tơnêi têa pin lo lăm seá ngăn, pơxâu phâk tiô tơdroăng pơkâ pêi cheăng “Mâu ngế vê rơxế drô troăng kân mê tung châ ai trếo ma tŭi, ai pló drôu tung châ” tiô pơkâ dêi Khu xiâm pơkuâ kŏng an.

Pơtối mê, khu kan săt rak tơniăn troăng klông tơkŭm séa ngăn, gak tât a mâu troăng kân xiâm tung kơpong kơdrâm kuăn pơlê rêh ối, tê mơdró, mâu troăng kân ăm phep rơxế kơtâu têi, troăng kân ki xiâm, mâu troăng kân pơto tơmối ôm hyô, tơmeăm khoăng, mâu troăng kân đi đo ai tơklâm rơxế, mâu tíu rơxế pơxiâm prôk, kơpong tơraih rơxế, kơno tuk, tíu ‘măn rơxế, kơpong tíu ôu nhâ̆u, tíu kơxuâng, hngêi ôu kâ, tíu kâ hmê, kơpong ôh tá tơniăn ‘na gak kring, ma tŭi.

Tung mê, tơkŭm mâu ngế to rơxế hon đa, ô tô, rơxế pơto tơmối, rơxế kân container, rơxế ô tô ai rơmok lơ rơxế ô tô ai toi rơmok.

A Sa Ly tơlôu ƀă tơbleăng