VOV4.Sêdang - Hâi lơ 31/3, a tíu xiâm ngăn ‘na lăm rêh ối (Khu xiâm kan sát), pơlê kong xiâm Phnôm Penh, hiăng po lêh diâp tơmeăm pơkeăng pơlât dêi Kăn teăng mâ Việt Nam a kong têa Kul kum kuăn pơlê kong têa Kul hbrâ, mơdât pơreăng êi troăng hơniâp COVID-19. Tơbleăng a hâi leh, pôa Lại Xuân Chiến, Kăn teăng mâ  tối nhên pơreăng COVID-19 dế tâ tú lâp lu tung plâi tơnêi, pro tơdjâk ‘mêi troh Việt Nam ƀă kong têa Kul. Xua mê, Kăn teăng mâ Việt Nam ‘măn ăm 10  rơpâu to kên pâng môh-rơkong troh Khu xiâm ngăn ‘na lăm rêh ối dêi kong têa Kul. Tơmeăm kố cho hiâm mơno dêi Kăn teăng mâ ƀă kuăn pơlê Việt Nam tối krê ƀă kuăn pơlê Việt Nam tối tơchoâm púi vâ veăng kum kuăn pơlê Kul tơkâ luâ tŭm tơdroăng pá, kâi trâng mơdât pơreăng COVID-19. Pakĭng mê veăng ‘mâi mơnhông, tơrŭm môi tuăn ƀă dêi rơpó pơla peá tơnêi têa.

Gương tơplôu ƀă tơbleăng