VOV4.Sêdang - Kơxo lơ 23/3, a Hngêi hôp kân dêi Tơnêi têa Mỹ Đình, Hà Nội, Khu Kăn xiâm Đoân Droh rơtăm hiăng po leh kân krip tơbâ 90 hơnăm hâi mơjiâng Đoân Droh rơtăm Kŏng sản Hồ Chí Minh (26/3/1931-26/3/2021) ƀă tơdah Mê dai Hồ Chí Minh. Pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa veăng leh ƀă tối tơbleăng a rôh leh.

Pôa Nguyễn Phú Trọng, Kăn xiâm pơkuâ hnê ngăn Đảng, Kăn xiâm hnê ngăn tơnêi têa ƀă mâu kăn xiâm dêi Đảng, Tơnêi têa hdreăng hdrối veăng leh tơbâ

Hvái ngăn tơdroăng cheăng pêi tung 90 hơnăm mơjiâng ƀă xông rơdêi tung tơdroăng cheăng kăch măng ki lĕm dêi Đảng, dêi hdroâng mơngế, Đoân Droh rơtăm Kŏng sản Hồ Chí Minh ƀă Hơnăm ối nếo Việt Nam hiăng mơhno hiâm mơno pâ nhoăm tơnêi têa pá kâi tối, môi tuăn ƀă loi khât a hnoăng pơkuâ hnê dêi Đảng, a tơdroăng pơkâ ki tro ‘ló tơniăn hdroâng mơngế ƀă chuh ngiah xah hô̆i.

Đoân Droh rơtăm Kŏng sản Hồ Chí Minh đi đo tơxâng cho khu ki hbrâ rơnáu  khât dêi Đảng, Hngêi trung hriâm xah hô̆i chuh ngiah, khu ki rơkê kal kí dêi mâu hơnăm ối nếo Việt Nam. Tơpui a hâi leh tơbâ, pôa Nguyễn Phú Trọng tối nhên, kal thâ tơbleăng hriâm, pêi tro tiô tơdroăng hnê ƀă hơ’leh pêi tro tơdroăng Pơkâ hneăng  hôp kân má 13 dêi Đảng chiâng mâu troăng hơlâ pơkâ pêi ki kân dêi Đoân, ngăn mê cho loăng ki mơhno troăng vâ tơbleăng tơdroăng cheăng Đoân ƀă tơdroăng mơhnhôk pêi pro dêi mâu vâi o.

Gương tơplôu ƀă tơbleăng