VOV4.Sêdang - Leh tơbâ 132 hơnăm hâi kot mâ Pôa Hồ Chí Minh, Kăn xiâm hnê ngăn tơnêi têa ki apoăng lơ 19/5, mê a kơxo lơ 18/5, khu kăn xiâm Đảng, Kăn xiâm hnê ngăn tơnêi têa, Kuô̆k hô̆i, Chin phuh, Vi ƀan  xiâm Măt trâ̆n tơnêi têa Việt Nam hiăng pleăng hơvĭng reăng, mot a hngêi ‘măn poăng Pôa Hồ Chí Minh. Hơvĭng reăng dêi khu kăn ai chêh chư “Đi đo pâ mơnê kơ Pôa Hồ Chí Minh, Kăn xiâm hnê ngăn ki rơkê khât.

Kăn xiâm hnê ngăn Đảng, Tơnêi têa mot a hngêi ‘măn poăng Pôa Hồ Chí Minh, Kăn xiâm hnê ngăn tơnêi têa

Khu kăn hiăng mơhno hiâm mơno mơnê nhoăm pâ pá kâi tối, nhoăm tơbâ troh hnoăng cheăng ki kân dêi Pôa Hồ Chí Minh, Kăn xiâm hnê ngăn tơnêi têa ki apoăng, Kăn xiâm hnê ngăn ki rơkê, ngế thái ki hên ngế nhoăm pâ dêi Đảng ƀă hdroâng mơngế pin. Pôa hiăng pleăng hnoăng tơná pêi cheăng ta troh hlâ vâ tơplâ pro tơleăng lĕm hdroâng mơngế, pro ăm lâp tơnêi têa tơrŭm chiâng môi, mơjiâng tơnêi têa Việt Nam tơniăn krê, môi tuăn dêi rơpó.

Pơtối mê, Khu kăn hiăng troh ‘măn hơvĭng reăng, chôu nhang tơbâ troh mâu ngế ki tơplâ khên tơnôu a Tíu meăn chêh inâi mâu ki hlâ xua tơplâ a troăng Bắc Sơn. Tung chôu phut hmái hmâ, mâu kăn hiăng tơmiât pâ troh mâu ngế kuăn ki rơkê dêi hdroâng mơngế hiăng ôh tá mơjo dêi mơheăm chá, khên tơnôu tơplâ ta troh hlâ xua vâ pro tơleăng lĕm hdroâng mơngế, xua vâ pro tơniăn ăm tơnêi têa, xua vâ châ hơniâp lĕm ăm kuăn pơlê.

Gương tơplôu ƀă tơbleăng