VOV4.Sêdang - Klêi mơgêi mâu rôh trâm mâ kuăn pơlê, kơxê lơ 11/5, pôa Vương Đình Huệ, Kăn xiâm hnê ngăn Kuô̆k hô̆i hiăng pêi cheăng ƀă mâu Kăn pơkuâ hnê ngăn Đảng pơlê kong kân Hải Phòng ‘na tơdroăng hbrâ tâ phĭu ƀă tối tơdroăng cheăng pêi tung 4 khế apoăng hơnăm. Tơpui a hâi pêi cheăng, pôa Vương Đình Huệ tối, pơlê kong kân Hải Phòng hiăng hbrâ tro mâu tơdroăng tâ phĭu rah xo kăn Kuô̆k hô̆i   hneăng 15 ƀă kăn hnê ngăn Hô̆i đong rêm râ hneăng hơnăm 2021-2026.

Pôa Vương Đình Huệ, Kăn xiâm hnê ngăn Kuô̆k hô̆i pêi cheăng ƀă Khu kăn Đảng Pơlê kong kân Hải Phòng

Hải Phòng mơgêi rôh tơkŭm ăm 15 ngế ki lo tơbriât pro kăn lăm trâm mâ kuăn pơlê a 3 tíu tâ phĭu vâ mơhnhôk kuăn pơlê tâ phĭu, túa pêi pro nhên mê, pro tro tuăn kuăn pơlê, hriăn plĕng ki nếo, tơrŭm ƀă mơ’no tơdrêng a tâi tâng mâu cheăm, bêng, pơlê kân, mơ’no tung rơ’jíu, mơ’no tung măng internet.

Túa pêi pro mê tơ-ƀrê, ăm troh tâi tâng a mâu thôn pơlê tung kong pơlê. Tơná mâu ngế ki lo tơbriât pro kăn xuân tâ hmiân tuăn drêng mâu tơdroăng tơná mơhnhôk, tơdroăng tơná tơpui tối châ tơbleăng troh kuăn pơlê. Malối, Pơlê kong kân Hải Phòng pêi tro tơdroăng hbrâ mơdât pơreăng COVID-19, nôkố dế hbrâ mơdât, tí tăng ngăn vâ pôi  tâ tú pơreăng.

Gương tơplôu ƀă tơbleăng