VOV4.Sêdang - Kơxê lơ 16/3, jâ Nguyễn Thị Kim Ngân, Kăn xiâm hnê ngăn Kuô̆k hô̆i, Kăn xiâm hnê ngăn Hô̆i đong tâ phĭu tơnêi têa pêi cheăng ƀă Khu hnê mơhno cheăng tâ phĭu pơlê kong kân Cần Thơ. Troh 17 chôu hâi lơ 14/3 Vi ƀan tâ phĭu pơlê kong kân hiăng tơdah 15 hồ sơ mâu ngế vâ to pro kăn Kuô̆k hô̆i hneăng 15; 108 hồ sơ tơbriât pro kăn Hô̆i đong kuăn pơlê dêi pơlê kong kân hneăng ki nếo hơnăm 2021-2026 , hiăng chêh klêi hlá mơ-eá xo hồ sơ mâu ngế vâ lo pro kăn Kuô̆k kô̆i hneăng 15, pro kăn Hô̆i đong kuăn pơlê dêi pơkê kong kân hneăng hơnăm 2021-2026 tiô pơkâ.

Kăn xiâm hnê ngăn Kuô̆k hô̆i pêi cheăng ƀă khu hnê mơhno cheăng tâ phĭu Cần Thơ

Tơbleăng a rôh pêi cheăng, jâ Nguyễn Thị Kim Ngân hnê, klêi Hôp tơpui tơno roh má 2, Cần Thơ kal thế mơdêk tơdroăng hnê tối troh tâ phĭu; tơmâng tơdroăng kring vế, tơniăn lĕ pơlê pơla, malối tung hâi tâ phĭu lơ 23/5/2021; hbrâ mâu tơdroăng vâ tơniăn ‘na ivá tung pơla dế ai pơreăng Covid-19 tâ tú rơ-iô.

Gương tơplôu ƀă tơbleăng