VOV4.Sêdang - Pôa Vương Đình Huệ, Kăn xiâm hnê ngăn Kuô̆k hô̆i a hâi lơ 28/4 hiăng ai rôh pêi cheăng ƀă Vi ƀan ngăn ‘na Khoa hok, kŏng nghĕ ƀă Hyôh kong prâi. Kăn xiâm hnê ngăn Kuô̆k hô̆i tối tiah kố, tiô pơkâ dêi Tíu xiâm, Đảng đoân Kuô̆k hô̆i kô thế mơjiâng môi tơdroăng pêi pro tiô pơkâ Hneăng hôp má 13 dêi Đảng, Khu xiâm kal kí kô séa ngăn tơdroăng mê tung 3 khế mơ’nui hơnăm 2021. A rôh hôp má 11, Kuô̆k hô̆i  hneăng 14 hiăng tơbleăng tơdroăng ki kal dêi pơkâ, tung mê pơcháu Kuô̆k hô̆i  8 khu tơdroăng vâ pơtối mơdêk tâ nếo hnoăng cheăng dêi Kuô̆k hô̆i.

Pôa Vương Đình Huệ, Kăn xiâm hnê ngăn Kuô̆k hô̆i tơpui a hâi pêi cheăng

Kố cho roh pêi cheăng má 10 dêi mâu kăn Kuô̆k hô̆i ƀă mâu kơ koan dêi Kuô̆k hô̆i. Hnoăng cheăng Kuô̆k hô̆i hiăng châ pêi pro tung 75 hơnăm hdrối ƀă malối tung hneăng má 14 cho kân khât, laga mâu rôh pêi cheăng xuân hiăng ăm hlo, xuân potối hơ’leh nếo ƀă mơdêk ki tơ-ƀrê, xêt khât pêi cheăng tơƀrê dêi Kuô̆k hô̆i tung la ngiâ.

Pôa Vương Đình Huệ, Kăn xiâm hnê ngăn Kuô̆k hô̆i pơkâ thế, Vi ƀan Khoa hok, Kŏng ngê̆ ƀă Hyôh kong prâi hbrâ mơjiâng tơdroăng Tơkêa pro pơtối hơ’leh nếo tơdroăng mơdêk ki tơ-ƀrê pơxúa dêi tơdroăng cheăng Vi ƀan ăm Kuô̆k hô̆i hneăng 15, ing tơdroăng hiăng ai hlâu ‘na mâu tơdroăng cheăng mơjiâng luât, séa ngăn ƀă pơkâ  tơdroăng cheăng mơjiâng luât, séa ngăn ƀă pơkâ mâu tơdroăng ki kal dêi tơnêi têa.

Gương tơplôu ƀă tơbleăng