VOV4.Sêdang - Pơtối tơdroăng pêi cheăng ƀă mâu kơ koan Kuô̆k hô̆i, hâi lơ 26/4, pôa Vương Đình Huệ, Kăn xiâm hnê ngăn Kuô̆k hô̆i pơkuâ hâi pêi cheăng ƀă Khu ngăn Vi ƀan ngăn ‘na tơdroăng rêh ối pơlê pơla, Vi ƀan ‘na Luât. Tơbleăng a hâi pêi cheăng, pôa Vương Đình Huệ tối, Khu kăn Vi ƀan ƀă Khu ngăn mâu tơdroăng rêh ối pơlê pơla thế hlê plĕng trâu tâ tơdroăng cheăng pêi, hnoăng cheăng dêi Vi ƀan tung mâu tơdroăng pêi cheăng, cheăng pêi, ‘na khăm pơlât, pơ’leăng mâ mơngế, ki pơxúa tung rêh ối pơlê pơla, oh tá pơrah pơla kơdrâi ƀă kơnốu khu kăn kơdrâi... xuân cho mâu tơdroăng ki ối pá, kal pêi rơhí rơhó  ƀă rĕng ô eăng troh lâp lu.

Pôa Vương Đình Huệ thế, Vi ƀan ôh tá xê to tơmâng troh mâu tơdroăng rêh ối pơlê pơla ‘na tơdroăng pơkuâ mê ối thế tơmâng troh tơdroăng rêh ối ‘na cheăng kâ, hbrâ rơnáu séa ngăn tơdroăng pêi pro tro luât; hơ’leh nếo, mơdêk ki tơ-ƀrê tung pêi cheăng dêi Vi ƀan tung tâi tâng mâu tơdroăng cheăng ‘na luât, séa ngăn ƀă veăng pơkâ mâu tơdroăng ki kal dêi tơnêi têa, malối thế mơhno djâ tơdroăng rêh ối tơpui tung rôh hôp Kuô̆k hô̆i, tung tơdroăng tơkêa bro luât.

Gương tơplôu ƀă tơbleăng