VOV4.Sedang - Kơxê lơ 22/4, pêi cheăng ƀă Khu râ kăn dêi Vi ƀan râng liăn ngân dêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i pơkâ thế pêi kêi đeăng troăng mơjiâng luât vâ pêi pro ăm tơdroăng hơ’leh nếo, mơdêk châ tơƀrê pơkuâ râng liăn ngân tơnêi têa. A roh pêi cheăng, pôa Vương Đình Huệ pơkâ thế Vi ƀan pơkuâ liăn ngân hbrâ séa ngăn tơdroăng ki ai khât ahdrối vâ séa ngăn  mâu tơdroăng xiâm Vi ƀan châ xing xoăng, pơkuâ ‘na tơdroăng liăn ngân, mơgêi  tơdroăng mơ’no hrê liăn ngân.

Ahdrối cho tơbleăng mơnhên châ tơƀrê mơ’no liăn ngân 6 khế  apoăng hơnăm kố; Tơbleăng xing xoăng liăn ngân Tơnêi têa hơnăm 2021 ăm mâu tơdroăng pơkâ xiâm Tơnêi têa;  tơdroăng pơkâ ‘na pơkâ pêi, tơdroăng vâ pêi troh ƀă kơlo xing xoăng tối hdrối mơ’no đi đo liăn ngân tơnêi têa hơnăm 2022.

Kăn xiâm hnê ngăn Kuô̆k hô̆i pơkâ thế Vi ƀan pơkuâ liăn ngân tơkŭm po mâu khu séa ngăn đi đo pêi pro mâu tơdroăng séa ngăn ‘na mâu  tơdroăng xiâm tơbleăng Kuô̆k hô̆i a hneăng hôp roh má môi ƀă hneăng hôp má 2, Kuô̆k hô̆i hneăng má 15.

            A Sa Ly tơplôu ƀă tơbleăng