VOV4.Sêdang - Kơxo lơ 10/6, a hngêi pêi cheăng Kuô̆k hô̆i, po hneăng hôp roh má 7 dêi Hô̆i đong tâ phĭu tơnêi têa. Pôa Vương Đình Huệ, Kăn xiâm hnê ngê ngăn Kuô̆k hô̆i, Kăn xiân hnê ngăn Hô̆i đong tâ phĭu tơnêi têa pơkuâ hneăng hôp tối tơbleăng a hneăng hôp, pôa Vương Đình Huệ Kăn xiâm hnê ngăn tơnêi têa ăm ‘nâi, klêi tơdroăng hbrâ hên pêi pro kơtăng, pêi nhên, khoa hok ƀă hriăn plĕng ki nếo xuan môi tiah rơkê, hneăng tâ phĭu rah xo kăn Kuô̆k hô̆i, mâu kăn Hô̆i đong hnê ngăn kuăn pơlê rêm râ hiăng po tung pơla hơniâp ro, sôk suâ, môi tuăn, ôh tá pơrah, pêi pro tro tiô luât ƀă ‘nâi kơdĭng, pê klêi tơniăn tiăn lĕm.

Roh hôp má 7 Hô̆i đông tâ phĭu tơnêi têa

A hneăng hôp kố, Hô̆i đong tâ phĭu tơnêi têa hiăng hnê tối ăm  tơbleăng hlá mơ-eá mơgêi hneăng tâ phĭu rah xo Kăn Kuô̆k hô̆i  hneăng 15, tơdroăng pơkâ tơbleăng kơxô̆ phĭu inâi mâu ngế châ rah xo kăn Kuô̆k hô̆i hneăng 15. ‘Na troăng hơlâ, hâi pơkâ, mâu ngế, tơdroăng ki kal dêi Hneăng hôp lâp tơnêi têa mơgêi hneăng tâ phĭu rah xo kăn Kuô̆k hô̆i hneăng 15 mâu kăn Hô̆i đong hnê ngăn rêm râ hneăng hơnăm 2021-2026, pôa Vương Đình Huệ, Kăn xiâm hnê ngăn tơnêi têa thế kô tơkŭm pêi pro tro tiô pơkâ mơ’no tơdrêng tung um tơvi dêi 63 to kong pơlê, pơlê kong kân, Hneăng hôp tiô tối hdrối tơkŭm po a hâi lơ 15/7/2021.

Gương tơplôu ƀă tơbleăng