VOV4.Sêdang - Kơxo lơ 18/5, a Hngêi hôp Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i, Kăn xiâm hnê ngăn Hô̆i đong tâ phĭu tơnêi têa pơkuâ po Rôh hôp ‘no tơdrêng ing um tơvi lâp tơnêi têa mơgêi hnoăng cheăng hbrâ tâ phĭu pôk kăn Kuô̆k hô̆i hneăng má 15 ƀă kăn Hô̆i đong hnê ngăn kuăn pơlê rêm râ hơnăm 2021 – 2026. Tơpui a rôh hôp, pôa Vương Đình Huệ, kăn xiâm hnê ngăn Hô̆i đong tâ phĭu Tơnêi têa ăm ‘nâi troh nôkố, ai mâu hnoăng cheăng hbrâ ăm rôh tâ phĭu hiăng klêi, hbrâ rơnáu ăm rôh tâ phĭu a hâi lơ 23/5 la ngiâ.

Hô̆i đong Tâ phĭu Tơnêi têa hiăng pơkâ tơkŭm po Hneăng hôp ‘no tơdrêng ing um tơvi lâp tơnêi têa rôh kố vâ séa ngăn tâi tâng hnoăng cheăng hbrâ tá troh nôkố, rĕng châ tơmâng ƀă pơkâ tơleăng mâu tơdroăng ki tơvâ tơvân, ối xơpá, mâu tơdroăng ki pâ thế, pơkâ mơ’no dêi mâu kong pơlê, mâu khu tơrŭm kơ koan vâ môi tuăn hlê plĕng, khŏm mơ-eăm tung pêi pro vâ hbrâ krá má môi, tŭm má môi ăm rôh tâ phĭu, môi tơdroăng kal kí ki kal dêi tơnêi têa châ po klăng tiô pơkâ, cho hâi mơdĭng tơnêi têa, hâi mơdĭng dêi tâi tâng kuăn pơlê ƀă châ ƀlêi chiâng tơniăn lĕm.

Katarina Nga tơplôu ƀă tơbleăng