VOV4.Sedang - Hâi lơ 6/5, pôa Vương Đình Huệ, Kăn xiâm hnê ngăn Kuô̆k hô̆i, kăn xiâm hnê ngăn Hô̆i đong tâ phĭu Tơnêi têa rơtế ƀă khu kăn ki séa ngăn dêi Vi ƀan pơkuâ Kuô̆k hô̆i, Hô̆i đong tâ phĭu Tơnêi têa hiăng pêi cheăng a kong pơlê Tuyên Quang. Tơpui a rôh pêi cheăng, pôa Vương Đình Huệ tối nhên, ki xiâm cho athế tơkŭm po châ tơƀrê rôh tâ phĭu, mơhno tối tung mâu tơdroăng môi tiah mơdêk hnoăng dêi kuăn pơlê, hnoăng tâ phĭu dêi kuăn pơlê.

Pôa Vương Đình Huệ, Kăn xiâm hnê ngăn Kuô̆k hô̆i pêi cheăng ƀă kong pơlê Tuyên Quang

Pôa Vương Đình Huệ pơkâ thế, kong pơlê Tuyên Quang pơtối tơkŭm khât ăm tơdroăng ki pêi pro hnoăng cheăng péa tơdroăng, rế hbrâ mơdât pơreăng COVID-19 châ tơƀrê tiô hiâm mơno pơkâ thế dêi Khu pơkuâ ngăn Đảng, mâu tơdroăng ki pơkâ thế dêi Chin phuh, dêi Ngế pro xiâm hnê ngăn tơnêi têa, dêi khu hnê mơhno cheăng Tơnêi têa ‘na hbrâ mơdât pơreăng COVID-19 ƀă pôi tá piu hiât hnoăng cheăng mơjiâng pro kế tơmeăm, mơnhông cheăng kâ, pơlê pơla, rak tơniăn pơlê pơla cheăm bêng, kring vế, rak ngăn hnoăng cheăng tŏng kum rêh ối pơlê pơla, rak tơniăn tung lâp pơlê pơla ƀă hbrâ tro ăm hnoăng cheăng tâ phĭu pôk khu kăn.

Nga tơplôu ƀă tơbleăng