VOV4.Sêdang - Kơxo 14/4, pôa Vương Đình Huệ, Kăn xiâm hnê ngăn Kuô̆k hô̆i, Kăn xiâm hnê ngăn Hô̆i đong tâ phĭu tơnêi têa, rơtế ƀă mâu kăn séa ngăn, lăm ngăn dêi Vi ƀan pơkuâ cheăng Kuô̆k hô̆i, Hô̆i đong Tâ phĭu tơnêi têa pêi cheăng ƀă Vi ƀan Tâ phĭu kong pơlê Quảng Ninh. Pôa Vương Đình Huệ, Kăn xiâm hnê ngăn Kuô̆k hô̆i pâ thế kong pơlê Quảng Ninh tơkŭm pêi hneăng tâ phĭu tro tiô pơkâ dêi luât, pơtối rak vế hnoăng pro xiâm dêi tâi tâng kuăn pơlê, tơbleăng tơdrăng, tơniăn dêi tâi tâng kuăn pơlê.

Pôa Vương Đình Huệ, Kăn xiâm hnê ngăn Kuô̆k hô̆i loi khât, Quảng Ninh kô tơkŭm po tơkŭm pê klêi hneăng tâ phĭu rah xo kăn  Kuô̆k hô̆i hneăng 15 ƀă tâ phĭu rah xo kăn Hô̆i đong kuăn pơlê rêm râ hneăng hơnăm 2021-2026, ƀă mâu tơdroăng pơkâ, kuăn pơlê lăm tâ phĭu tŭm, tơniăn; ai tiô tơdroăng môi tuăn, rah xo ngế ki tơxâng má môi.

Gương tơplôu ƀă tơbleăng