VOV4.Sêdang - Vâ chê 146 rơtal liăn cho kơxô̆ liăn châ veăng tơlo ing Kơxô̆ liăn pơlê pơla tŏng kum Hiâm mơno mêa Pêi cheăng tung leh mơhnhôk chêh chư pơtroh tung phôn “Tâi tâng kuăn pơlê veăng tơlo liăn, hbrâ mơdât pơreăng COVID 19 ƀă pêi pro tơdroăng “Vaccine ăm kŏng nhân” nếo châ mơhnhôk kơxê lơ 3/6 a Tổng Liên đoân pêi cheăng Việt Nam. Tơdroăng vâ krếo, mơhnhôk mâu khu râ kuăn pơlê veăng tơlo, tơlo liăn cho vâ  hbrâ mơdât pơreăng COVID 19, mơhnhôk mâu khu râ pơlê pơla vâ kuăn pơlê, tung mê, ai kŏng nhân mơngế pêi cheăng kô châ pâk vaccine rĕng má môi.

Kơxô̆ liăn veăng tơlo ing Roh mơhnhôk ƀă tơdroăng kô châ xúa ăm tơdroăng hbrâ mơdât COVID 19, tung mê kơjo rôe vaccine ăm mâu ngế ai hnoăng tơnêi têa, mâu ngế kơtiê, kŏng nhân pêi cheăng, kum mơdât pơreăng, rak vế ivá, tơniăn châ chăn dêi kuăn pơlê. Xông tơpui a roh leh, pôa Vương Đình Huệ pơkâ thế mâu kơ koan ai tơdjâk pêi pro tơbleăng tơdrăng mâu kơxô̆ liăn châ xo, xúa tro tơdroăng, châ tơƀrê tro pơkâ dêi luât vâ châ tơƀrê khât tung hbrâ mơdât pơreăng COVID-19.

A Sa Ly tơplôu ƀă tơbleăng