VOV4.Sêdang - Klêi ăm ‘nâi tối ai sinh viên Nguyễn Văn Nhã, kot mâ hơnăm 1998, ối a tơring Quỳnh Lưu, kong pơlê Nghệ An, sinh viên hriâm hơnăm má 4 kơvâ Kŏng ngê̆ thŏng tin, Hngêi trung Đại học Khoa học dêi Đại học Huế a kơxêi lơ 30/4 kố nah dế hum a têa kơxĭ dêi tơring Phú Vang gá kơdrâ hlo 3 ngế kơdrâi tung khu tro klâk têa, têa kơxĭ rơlŏn  klúa hơngế ing kĭng mê gá hiăng klê tŏng xo, la klêi gá tŏng xo, mê Nhã tro têa kơxĭ hrot xo xua hiăng pá ai ivá klê mê chiâng klâk.

Pôa Nguyễn Xuân Phúc, Kăn xiâm hnê ngăn tơnêi têa ‘nâi tơdroăng mê hiăng pơtroh rơkong veăng hơlêm ƀă hlối kơ-êng troh rơpŏng hngêi sinh viên Nguyễn Văn Nhã. Kăn xiâm hnê ngăn tơnêi têa thế mâu kơ koan khu râ pơkuâ cheăng séa ngăn tơdroăng chêh pơtroh ăm kăn xiâm hnê ngăn tơnêi têa pơxá ăm Mê dai Khên tơnôu, hlối séa ngăn mơnhên sinh viên Nguyễn Nhã cho ngế ki hlâ ai hnoăng tro tiô pơkâ.

Gương tơplôu ƀă tơbleăng