VOV4.Sêdang - Kơxê lơ 4/5, pôa Nguyễn Xuân Phúc, Kăn xiâm hnê ngăn tơnêi têa pơkuâ hâi pêi cheăng ƀă kăn hnê ngăn mâu kơ koan ‘na luât xiâm tơnêi têa ƀă Khu xiâm kŏng an ‘na tơdroăng pêi pro tiô luât pơkâ mơ’no mâu ki kroăng phak hơnăm 2018. Tiô tối tơbleăng dêi mâu ngế ki veăng hôp, Luât mơ’no mâu kroăng phak hơnăm 2018 hiăng pơtối ‘mâi rơnêu mâu tíu ki ôh tá tro dêi Luât hơ-ui mơ’no mâu ngế kroăng phak hơnăm 2007.

Luât mê xuân hiăng pơcháu ăm Chin phuh pơkâ nhên mâu tơdroăng dêi mâu ngế pâ thế mơ’no, ai hnoăng pêi pro dêi Vi ƀan rêm râ, kơ koan tơrŭm cheăng ki tơdjâk troh... tơpui a roh hôp, pôa Nguyễn Xuân Phúc hnê mơhno tơdroăng tơbleăng mơ’no thế pêi tro tiô pơkâ nhên, tơbleăng ăm ‘nâi, tơdrăng, tro tiô pơkâ dêi luât ƀă pôi tá ăm ‘mâi tơdroăng klâi.

Drêng ai troăng hơlâ pơkâ dêi Đảng, Tơnêi têa mê kal hbrâ rơnáu mâu hlá mơ-eá, hlá mơ-eá ki săm phoăng, hnê pêi pro mâu tơdroăng tơdjâk troh, pêi tro tiô pơkâ dêi Luât hơnăm 2018.

Gương tơplôu ƀă tơbleăng