VOV4.Sedang - Tung tơdroăng cheăng a pơlê kong kân Hồ Chí Minh, hâi lơ 9/5, pôa Nguyễn Xuân Phúc, Kăn xiâm hnê ngăn tơnêi têa, hbru tơmeăm ăm mâu rơpŏng kuăn pơlê ki ai hnoăng kơtiê a tơring Củ Chi, Pơlê kong kân Hồ Chí Minh. Pôa Nguyễn Xuân Phúc, Kăn xiâm hnê ngăn tơnêi têa hbru tơmeăm ăm mâu lêng tơplâ Tô Văn Đực (inâi khât cho Tô Hoài Đức, kot mâ hơnăm 1942) a cheăm Nhuận Đức, tơring Củ Chi.

Pơtối mê, a cheăm Hòa Phú, Kăn xiâm hnê ngăn tơnêi têa lăm pôu, hbru tơmeăm ăm péa rơpŏng hngêi pôa Bùi Văn Hiệp, kot mâ hơnăm 1948, ngế lêng tro rong ó 1/4. Kăn xiâm hnê ngăn tơnêi têa tối Đảng, Tơnêi têa đi đo chôu vế mâu hnoăng ƀă pâ troh hnoăng mâu lêng tro rong, mâu ngế hlâ ai hnoăng tơnêi têa, rơpŏng ai hnoăng kăch măng hiăng veăng ‘no mơheăm chhá ăm tơdroăng mơnhông tơplâ pro tơleăng tơnêi têa lâp tơnêi têa tơrŭm chiâng môi.

Gương tơplôu ƀă tơbleăng