VOV4.Sêdang - Hâi lơ 7/6,  pôa Nguyễn Xuân Phúc, Kăn xiâm hnê ngăn tơnêi têa, Ngế xiâm pơkuâ hnê mơhno ‘mâi hơ’lêh Luât xiâm tơnêi têa hiăng pêi cheăng ƀă Khu kăn Đảng dêi Hngêi tơleăng xiâm ‘na Hlá mơ-eá luât tơdroăng tơkêa: “Hơ’lêh nếo khu kăn dêi Hngêi tơleăng xiâm ăm iâ la to mâu rơkê pêi cheăng ai pơxúa khât, cheăng tơ-ƀrê tiô pơkâ xiâm tơnêi têa má 6 hneăng 12 dêi Đảng ai tiô púi vâ dêi tơdroăng nôkố”.

Kăn xiâm hnê ngăn tơnêi têa pêi cheăng ƀă  Kăn xiâm Đảng dêi Hngêi tơleăng xiâm

Klêi mâu khu xiâm, kơvâ cheăng tối tơdroăng cheăng mơgêi hâi pêi cheăng, pôa Nguyễn Xuân Phúc tối nhên, tơdroăng ki kal ai tối tung pơkâ kơxô̆ 49 dêi khu xiâm kal kí cho pê klêi tơkŭm khu cheăng dêi tơnêi têa khu cheăng ‘na luât, tung mê, ki xiâm cho mơjiâng, pê klêi tơkŭm cheăng dêi hngêi tơleăng xiâm.

Kăn xiâm hnê ngăn tơnêi têa tối pơchân, tơdroăng mơnúa pơtối mơjiâng hngêi tơleăng kơpong ai pơxuá kal khât, kố cho tơdroăng ki pơtối pêi pro mơjiâng tơdroăng ‘mâi hơ’lêh luât nếo hơnăm 2021-2030, hvái ngăn troh 2045 tiô pơkâ 49 dêi Khu xiâm kal kí. Malối, mâu Hngêi tơleăng kơpong thế pro tơniăn séa ngăn dêi mâu Hô̆i đong, Kuô̆k Hô̆i, Măt trâ̆n tơnêi têa Việt Nam, malối cho mâu kuăn pơlê ƀă kơ koan ki tơleăng.

Gương tơplôu ƀă tơbleăng