VOV4.Sêdang - Kơxo lơ 3/6, a tíu pêi cheăng xiâm dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa, kăn xiâm hnê ngăn Hô̆i đong Lêng ƀă Kring vế tơniăn, pơkuâ khu lêng pơcháu hlá mơ-eá pơkâ pôk Ngế xiâm tí tăng ‘nâi plĕng dêi khu lêng Việt Nam cho thươ̆ng tươ̆ng Nguyễn Tân Cương, Ngế cheăng tung tíu xiâm Đảng, Ngế cheăng tung khu Đảng lêng xiâm tơnêi têa.

Kăn xiâm hnê ngăn tơnêi têa

Ngế xiâm phŏ pơkuâ ngăn lêng, pôa Nguyễn Xuân Phúc loi khât ƀă púi vâ  Thượng tướng Nguyễn Tân Cương ing hnoăng cheăng pêi ki nếo kô pơtối hriâm tơdroăng kal kí, tuăn ngôa chân krá, môi tuăn ƀă Đảng, Tơnêi têa , mâu lêng  ƀă kuăn pơlê; mơ-eăm rơtế ƀă Khu Đảng lêng xiâm, Ngế xiâm pơkuâ ngăn lêng, hnê mơhno, mơdêk hnoăng cheăng hriâm tâp, hbrâ rơnáu tơplâ, kring vế tơniăn khu lêng pin đi đo pê klei hnoăng cheăng ki Đảng, Tơnêi têa, mâu lêng ƀă kuăn pơlê hiăng pơcháu.

Gương tơplôu ƀă tơbleăng