VOV4.Sêdang -  Hâi lơ 9/6, a tíu pêi cheăng dêi Kăn xiâm hnê ngăn tơnêi têa, pôa Nguyễn Xuân Phúc, Kăn xiâm hnê ngăn tơnêi têa, Ngế xiâm hnê mơhno ‘mâi Hơ’lêh luât xiâm tơnêi têa, Ngế xiâm hnê mơhno mơjiâng tơdroăng tơkêa pro “Mơjiâng ƀă pê klêi Tơnêi têa ‘na Luât xah hô̆i chuh ngiah Việt Nam troh hơnăm 2030, troăng hơlâ pơkâ pêi troh hơnăm 2045” hiăng ai rôh hôp ƀă mau kơ koan ki tơdjâk troh ‘na pơkâ tơbleăng mơjiâng Tơdroăng tơkêa bro.

Kăn xiâm hnê ngăn tơnêi têa pơkuâ hneăng hôp pêi klêi ‘na  mơjiâng bro luât xah hô̆i chuh ngiah Việt Nam

Tối tơbleăng a hâi pêi cheăng, pôa Nguyễn Xuân Phúc tối nhên, tơdroăng hbrâ tơdroăng Tơkêa bro “Mơjiâng ƀă pê klêi Tơnêi têa ‘na Luât xah hô̆i chuh ngiah Việt Nam troh hơnăm 2030, troăng hơlâ pơkâ pêi troh hơnăm 2045” cho hnoăng cheăng pêi ki kal ki tiô Pơkâ Hneăng hôp Đảng roh má 13 ai pơkâ. Tơdroăng mơjiâng mâu tơdroăng Tơkêa bro thế ai troăng hơlâ tơmâng pêi tơniăn tro khoa hok, pêi pro hơngế troh hơnăm 2045, hơ’lêh nếo ƀă tơtro tiô troăng hơlâ mơnhông ngăn tiô tơdroăng tí tăng ‘nâi plĕng, ai tơdroăng pơkâ tơtro tiô tơdroăng tung tơnêi têa ƀă lâp plâi tơnêi. Pôa Nguyễn Xuân Phúc xuân thế Khu kăn xiâm tơnêi têa pơtối tơ’nôm mâu tơdroăng ki kal, tơtro a hlá mơ-eá chêh tơdroăng Tơkêa bro luât i klêi đeăng.

Gương tơplôu ƀă tơbleăng