VOV4.Sêdang - Hâi lơ 2/6, pôa Nguyễn Xuân Phúc, Kăn xiâm hnê ngăn tơnêi têa hiăng pơtroh kơthô ăm pôa Vladimir Putin, Kăn xiâm pơkuâ kong têa Rusi vâ tơpui ‘na tơrŭm cheăng pơla péa pâ, tung mê, ai tơdroăng mơdêk tơrŭm cheăng plâ mơdât pơreăng COVID-19. Tung kơthô, Kăn xiâm hnê ngăn tơnêi têa tối, Việt Nam đi đo nhoăm tơdroăng tơrŭm cheăng tiah hmâ ƀă Tơrŭm cheăng tung tâi tâng pơla Việt Nam - Rusi, púi vâ tơrŭm cheăng pơla péa tơnêi têa rế trâu rơdâ ƀă tơ-ƀrê.

Pakĭng mê tối, phiu ro tơdroăng tơrŭm pơla péa pâ pơtối mơnhông tơ-brê tung mâu tơdroăng mơhé ai pơreăng COVID-19. Mơnê pôa Vladimir Putin, Kăn xiâm pơkuâ kong têa Rusi hiăng ăm Việt Nam 1.000 klŏng vaccine ƀă hên tơmeăm pơkeăng xúa tung khăm pơlât, pôa Nguyễn Xuân Phúc, púi vâ Rusi veăng kum, pro tơ’lêi hlâu ahdrối vâ Việt Nam rĕng châ xúa vaccine dêi Rusi, xuân môi tiah tơrŭm mơjiâng pro vaccnine a Việt Nam.

Gương tơplôu ƀă tơbleăng