VOV4.Sêdang - Drêng troh leh tơbâ 80 hơnăm Hâi mâu hơnăm hiăng krâ Việt Nam  (06/6/1941 - 06/6/2021), pôa Nguyễn Xuân Phúc, Kăn xiâm hnê ngăn tơnêi têa hiăng pơtroh rơkong rơkâu ăm tâi tâng kuăn pơlê mâu ngế hơnăm hiăng krâ Việt Nam. Tung kơthô, Kăn xiâm hnê ngăn tơnêi têa khĕn kơdeăn, rơkâu mâu ngế ai hnoăng  hâk tơngăm mâu rơxông hơnăm hiăng krâ Việt Nam.

Rơkâu Khu mâu hơnăm hiăng krâ Việt Nam luâ 80 hơnăm mơjiâng hiăng pêi klêi hnoăng cheăng ai pơxúa, tơdroăng mơhnhôk tơ’noăng tơ-ƀrê. Kăn xiâm hnê ngăn tơnêi têa púi vâ mâu hơnăm hiăng krâ Việt Nam tung tơnêi têa ƀă kong têa ê pơtối veăng ‘no hnoăng pêi cheăng, tuăn ngôa rơkê, tơdroăng tơná hmâ pêi cheăng tung mơjiâng tơnêi têa.

Pakĭng mê, thế Vi ƀan  Tơnêi têa ‘na mâu Hơnăm hiăng krâ Việt Nam, rêm râ Đảng , mâu kăn, mâu khu tơrŭm cheăng khu grup, rêm rơpŏng đi đo tơmâng, pâ hơ-ui, nhoăm kơ mâu hơnăm hiăng krâ, po rơdâ mâu tơdroăng cheăng pêi tung tơdroăng tơmâng tŏng kum tung rêh ối ƀă tơmeăm khoăng, ‘na tuăn ngôa ăm mâu ngế hơnăm hiăng krâ, pêi pro tro tơdroăng rêh ối pơlê pơla, pơtối rak vế hnoăng dêi mâu hơnăm hiăng krâ, mơnhông tơnêi têa rĕng xông tơ-ƀrê ƀă krá tơniăn.

Gương tơplôu ƀă tơbleăng