VOV4.Sêdang - Kơxo lơ 13/5, a Dinh Thống Nhất, Pơlê kong kân Hồ Chí Minh, pôa Nguyễn Xuân Phúc, kăn xiâm hnê ngăn tơnêi têa tơdah khu kăn Hô̆i đong Pơkuâ xiâm khôp Phop Việt Nam drêng troh leh kân Phật đản Phật lịch 2565 xua Bok phop Thích Thiện Nhơn, Kăn hnê ngăn Khu khôp Phop, pơkuâ djâ mâu ngế tung Hô̆i đong ngăn tơdroăng khôp Phop Việt Nam.

Kăn xiâm hnê ngăn tơnêi têa tơdah khu pơkuâ tơdroăng khôp Phop

Hơnăm kố, khu jâ, ƀok Phop, mâu ngế tiô khôp Phop dêi Việt Nam kô nhuô̆m pâ tơbâ hâi leh kân Phật Đản hơnăm 2021 tung pơla dế ối klâ krê ƀă hlối hbrâ mơdât pơreăng. Pa kĭng mê xuân pro pơxúa ăm kuăn pơlê, pro ăm kuăn pơlê pôi tá préa, mơ-eăm tơkâ luâ xơpá tung tơdroăng rêh ối hlối rơtế ƀă dêi rơpó mơnhông tơnêi têa.

Kăn xiâm hnê ngăn tơnêi têa loi khât púi vâ Khu ngăn khôp Phop Việt Nam pơtối mơhno hnoăng cheăng tơná ki, ki nhoăm pâ tơná tung tơdroăng mơjiâng tơrŭm môi tuăn pơla mâu ngế loi tĭng tiô khôp, pơtối rak vế ivá ki rơdêi, loi tĭng, mơhno túa lĕm tro veăng mơnhông tơnêi têa.

Gương tơplôu ƀă tơbleăng