VOV4.Sêdang - Kơxo lơ 13/5, Khu kăn séa ngăn, lăm ngăn dêi Vi ƀan pơkuâ cheăng Kuô̆k hô̆i, Hô̆i đong tâ phĭu tơnêi têa xua jâ Võ Thị Ánh Xuân, Kăn xiâm phŏ hnê ngăn tơnêi têa, kăn xiâm hnê ngăn Hô̆i đong tâ phĭu  Tơnêi têa pro xiâm ki pơkuâ djâ khu kăn hiăng lăm pêi cheăng ƀă kong pơlê Dak Nông ‘na tơdroăng cheăng tâ phĭu rah xo kăn Kuô̆k hô̆i hneăng 15 ƀă kăn hnê ngăn Hô̆i đong rêm râ hneăng 2021-2026.

Viƀan pơkuâ Kuô̆k hô̆i, viƀan tâ phĭu tơnêi têa pêi cheăng a kong pơlê Dak Nông

Tơbleăng  dêi Vi ƀan tâ phĭu kong pơlê Dak Nông ăm ‘nai, tâ phĭu rah xo kăn Kuô̆k hô̆i a kong pơlê, ai 2 tíu ƀă mâu ngế ki châ rah xo 6. Tâ phĭu rah xo Hô̆i đong râ kong pơlê ai 14 tíu ƀă thế rah xo 52 ngế, râ tơring ai 78 tíu ƀă thế rah xo ai 272 ngế, râ cheăm 569 tíu bă thế rah xo ai 1 rơpâu 779. 

A rôh pêi cheăng, jâ Võ Thị Ánh Xuân tối pơchân vâ hâi tâ phĭu po tơniăn tung pơla dế ai pơreăng COVID-19 tâ tú rơ-iô, kong pơlê Dak Nông thế mơdêk hnoăng cheăng rak ngăn kơtăng, thế pêi pro tro tơdroăng hbrâ mơdât pơreăng vâ kuăn pơlê hmiân tuăn lăm tâ phĭu.

Gương tơplôu ƀă tơbleăng