Pôa Đôn Tuấn Phong, Kăn pho\ hnê ngăn hnối cho Kăn xiâm chêh tôm xo rơkong Khu tơru\m dêi khâu tơdjâk hên cheăng a Việt Nam tối nhên ‘’Tơdroăng ki Đảng xiâm tơnêi têa tơbleăng tối Kăn xiâm pơkuâ hnê ngăn vâ Kuo#k ho#i pôk mơjiâng chiâng Kăn xiâm hnê ngăn tơnêi têa cho tơdroăng ki rơkê ple\ng ‘nâng. Xua pôa Nguyễn Phú Trọng, Kăn xiâm pơkuâ hnê ngăn ngế ki hiăng rơkê ple\ng nhên ‘na hnoăng cheăng dêi mâu ngế kăn, dêi ngế pơkuâ xiâm má môi dêi Đảng, dêi tơnêi têa:

‘’Á séa ngăn ing hnoăng cheăng tơpui kâ, tơdroăng ki Kăn xiâm pơkuâ hnê ngăn xuân pơtối pro Kăn xiâm hnê ngăn tơnêi têa ga cho tơ’lêi hlâu ăm hnoăng cheăng tơpui kâ dêi tơnêi têa. Drêng ngế ki pro pơkuâ xiâm Đảng mê xuân cho Kăn xiâm hnê ngăn tơnêi têa. Tơdroăng ki pơkuâ djâ mâu hnoăng cheăng dêi tơnêi têa tiah á loi tơngah kố, tơdroăng ki hnối pêi 2 tơdroăng cheăng, mê hnoăng cheăng ki pơkuâ mơnhông tơnêi têa ‘na pêi cheăng kâ pơlê pơla tối tơchuôm kô tơ’lêi hlâu tâ tung chal nếo’’.

Tiô Pho\ Yăo sư, Tie#n sih Nguyễn Viết Thông, Kăn xiâm chêh tôm rơkong Ho#i đong tơpui leăng dêi tơnêi têa tối ăm nâi, sap ing Hneăng hôp kân Đảng lâp tơnêi têa roh má 11 [ă 12, Đảng hiăng tơno ‘na tơdroăng kố, tá troh a roh Kăn xiâm pơkuâ hnê ngăn xuân cho Kăn xiâm hnê ngăn tơnêi têa kô kum ăm tơnêi têa tơ’lêi hlâu tâ ‘na tơpui kâ tung tơnêi têa [ă tơru\m tơpui kâ [ă kong têa ê.

‘’Á tơnêi têa pin hdrối nah, pôa Hồ Chí Minh cho Kăn xiâm pơkuâ hnê ngăn Đảng, xuân cho Kăn hnê ngăn Ho#i đong khu xiâm. Tâng vâ ngăn mâu kong têa ê, môi tiah kong têa Sinuâ vâi hiăng pro sap ing ton nah, a kong têa Lếo, Cuba xuân hiăng pro. Tâng Kăn xiâm pơkuâ hnê ngăn xuân cho Kăn xiâm hnê ngăn ga kô hlâu ăm tá tơdroăng tơpui kâ tung tơnêi têa [ă tơpui kâ kong têa ê. Luâ tâ kơ mê nếo, tung kơxop hlá mơ-éa dêi Đảng xuân hiăng hnê tối, pơkâ pro Kăn pơkuâ hnê ngăn Đảng xuân cho Kăn hnê ngăn Ho#i đong kuăn polê. Pin hiăng mơnúa pro a râ cheăm, tơring [ă kong pơlê. Roh kố, kô châ pêi pro a râ tíu xiâm, thăm rế pro tơniăn, tơdrêng, môi tiah tiô tơdroăng Pơkâ dê Đảng nếo mơ’no achê pơla kố, môi tiah tơdroăng pơkâ dêi Đảng tơnêi têa roh má 5 [ă má 7’'.

Ai kơdrâm mâu kăn [o#, đảng viên [ă kuăn pơlê xuân tối, tơdroăng ki Kăn xiâm pơkuâ hnê ngăn xuân cho Kăn xiâm hnê ngăn kô kum tơ’lêi hlâu vâ hbrâ mơdât kâ kơluâ dêi Đảng [ă Tơnêi têa [ă pơtối châ pêi pro ki tơ-[rê tung la ngiâ. Trung tươ\ng Khuất Duy Tiến, cho Kăn xiâm ngăn {inh đoân Tây Nguyên hơ’muăn tối:

‘’Á hlo tơdroăng Kăn xiâm pơkuâ hnê ngăn xuân cho Kăn xiâm hnê ngăn ga tơ’ló ‘nâng, xua ga, mâu troăng hơlâ pơkâ dêi Đảng mê á hlo tơnêi têa kô châ ‘nâi tâi tâng. Kăn xiâm hnê ngăn hiăng pêi pro tiah mê ga tơtro. Xua ga rế cho Kăn xiâm pơkuâ hnê ngăn tơnêi têa mơ’no pơkâ mâu tơdroăng pơkâ dêi Đảng, tơdrêng amê xuân rế cho kăn xiâm hnê ngăn ah ki pêi pro dêi hnoăng cheăng ki mê ga kô tơtro. Á tơmiât ti xê môi ngế á tê, mê ối ai hên mâu kăn [o#, tá mâu ki ối pêi cheăng [ă hiăng pơtê cheăng, malối kuăn pơlê Việt Nam hlo tơdroăng kố cho kal khât, tơtro păng ‘nâng’’.

Lại Hoa chêh

Nhat Lisa tơplôu [ă tơbleăng