VOV4.Sêdang - Khế 9 la ngiâ kô tơbleăng pâk vaccine Nano Covac xua Học viện Quân y mơjiâng pro. Tơdroăng kố châ tơbleăng a hneăng Hôp mơ’no tơdrêng tung tâi tâng mâu lêng tơbleăng tơdroăng cheăng pêi, troăng hơlâ pêi tơdrêng ‘na hbrâ mơdât pơreăng COVID-19 tung lêng troh 187 tíu mơ’no tơdrêng tung um tơvi xua Khu xiâm pơkuâ ngăn lêng tơkŭm po a kơxo lơ 1/6.

A hneăng hôp, Trung tươ̆ng, Yăo sư, Tiê̆n sih Đỗ Quyết, Ngế xiâm pơkuâ Học  viện Quân y ăm ‘nâi, tung pơla tí tăng hriăn mơjiâng pro ƀă mơnúa vaccine Nano Covac dêi Học viện tơrŭm ƀă Khu ‘no liăn mơjiâng Nanogen châ tơbleăng pro tơniăn. Tung 6 khế kố kô mơnúa rôh má 3 ƀă kơxô̆ ki hên, mơnúa a 13 rơpâu ngế ƀă pro a hên kong pơlê, pơlê kong kân tung lâp tơnêi têa.

Tiô  Yăo sư, Tiê̆n sih Đỗ Quyết, klêi châ Hô̆i đong ngăn na tuăn ngôa lâp tơnêi têa tơbleăng ƀă Khu xiâm ngăn pơkeăng pơlât ăm phêp tơbleăng mê tung khế 9 kô ah kô chiâng vâ pâk vaccin ki mê.

Gương tơplôu ƀă tơbleăng