VOV4.Sêdang - Pơxiâm sap ing hơnăm 2004, khế 3 rêm hơnăm cho Khế mâu droh rơtăm châ Tíu xiâm Đoân droh rơtăm tơbleăng troh tâi tâng mâu hơnăm ối nếo tung lâp tơnêi têa [ă tơdroăng ‘’Droh rơtăm pêi pro mâu tơdroăng xua kuăn pơlê, rêh ối tơmâng khât, hnê tối ăm mâu hơnăm ối nếo’’. Khế droh rơtăm pơxiâm pêi cheăng vâ mâu vâi pú hơnăm ối nếo  mơdêk tơru\m pêi tơdroăng mơ-eăm, púi vâ ai hnoăng tơná veăng pleăng. {ă ing tuăn tơmiât mê, sap ing mơ’nui khế 2 kố nah troh nôkố, hơnăm ối nếo tung lâp tơnêi têa tối tơchoâm, a kơpong Tây Nguyên tối krê dế pêi hên tơdroăng cheăng ki pro pơxúa vâ koh tơbâ 90 hơnăm hâi mơjiâng Đoân droh rơtăm Ko\ng san Hồ Chí Minh.           

Klăng 80 hơnăm hdrối nah, a Pác Bó, cheăm Trường Hà, tơring Hà Quảng, kong pơlê Cao Bằng, Pôa Hồ hiăng vêh dêi ngi tơnêi têa pơkuâ kăch măng Việt Nam. {ă pơxúa ki mê, cheăm Trường Hà hiăng châ rah xo vâ Tíu xiâm Đoân Droh rơtăm Ko\ng san Hồ Chí Minh tơbleăng hên h^n mâu tơdroăng pêi pro ki ai pơxúa koh tơdah [lêi chiâng Hneăng hôp lâp tơnêi têa rôh 13 dêi Đảng [ă tơbâ 90 hơnăm hâi mơjiâng Đoân Droh rơtăm Ko\ng san Hồ Chí Minh lơ 26/3/1931 – 26/3/2021 [ă pơxiâm khế Droh rơtăm hơnăm kố.

Ngoh Bùi Quang Huy, Ngế ki veăng hôp a Tíu xiâm Đảng, kăn pơkuâ ngăn Tíu xiâm Đoân ăm ‘nâi:

‘’Khế droh rơtăm ngin tơtro\ng mâu tơdroăng ki kal to\ng kum droh rơtăm tung pơxiâm vâ pêi cheăng. {ă khế Droh rơtăm cho rôh vâ mơdêk hiâm mơno djâ troăng ahdrối, kum ivá hơnăm ối nếo dêi droh rơtăm dêi lâp tơnêi, tơdrêng amê hnối cho rôh vâ rêm râ Đoân, veăng tí tăng ‘nâi ple\ng krếo thế tơdroăng ki tơmâng ngăn dêi râ Đảng, khu kăn pơkuâ, dêi pơlê pơla [ă droh rơtăm tối tơdjuôm.

Ing mê, droh rơtăm chiâng vâ veăng tung mâu tơdroăng cheăng mơnhông mơdêk cheăng kâ rêh ối, pơlê pơla tối tơdjuôm dêi tơnêi têa’’.

Pơxiâm pro Hngêi trá Kim Đồng a Cao Bằng

Drêng kố, Tíu xiâm Đoân Droh rơtăm Ko\ng san Hồ Chí Minh xuân diâp hên kế tơmeăm droh rơtăm a kong pơlê Cao Bằng, môi tiah: Tơku\m pro Hngêi mơhno túa le\m tro pơlê pơla hdroâng kuăn ngo Lô Lô a tơring Bảo Lạc, kong pơlê Cao Bằng [ă tâi tâng kơxo# liăn ‘no pro ai 1 rơtal liăn; hiăng pro klêi tíu ‘măn rak mơ-éa dêi hngêi trung a cheăm Đức Long, tơring Hòa An, kơnâ 200 rơtuh liăn; pơxiâm pro Hngêi trá Kim Đồng a tơring Hà Quảng [ă kơxo# liăn ai 230 rơtuh [ă hên ki ê.Rơtế [ă lâp tơnêi têa, Khu pơkuâ ngăn Đoân droh rơtăm Dak Lak hiăng tơku\m po leh pơxiâm Khế droh rơtăm hơnăm 2021 [ă mâu tơdroăng pêi pro ki ai pơxúa.

A leh tơbleăng, Khu pơkuâ ngăn Đoân droh rơtăm hiăng diâp 10 toăng rơxế mai ăm mâu vâi o pho#m vâ xông kân kơtiê tơkâ luâ xơpá, diâp 2 hnoăng liăn ăm tơdroăng ki vâ pơxiâm pêi cheăng (rêm hnoăng kơnâ 20 rơtuh liăn) ăm droh rơtăm pơxiâm vâ pêi cheăng [ă túa pơkâ pêt pía pong ‘ngré ‘ngró tung hngêi nhe\ng [ă păn xi xo\ng ki pro le\m mơnâ. Tơku\m pêt loăng plâ xông chôu pâ Pôa Hồ a Tíu xiâm cheăng droh rơtăm. Châ xo kơxo# liăn vâ pêi cheăng, ngoh Lê Minh Đông, a tơring Ea Hleo, kong pơlê Dak Lak tối:

‘’Mơnê khu pơkuâ ngăn Đoân droh rơtăm kong pơlê hiăng kum ăm á liăn vâ pơxiâm pêi cheăng kố. Nôkố, a dế pêt pong ‘ngré ‘ngró tung hngêi, [ă kơxo# liăn ki kố mê á kô xúa môi iâ vâ pơtối pêt pía hlâm [ă môi iâ mê á kô hơ’leh pêt yâu [ok tung hngêi. Tối tơdjuôm [ă droh rơtăm ki pơxiâm vâ pêi cheăng mê liăn gá xơpá khât mê châ tơdroăng to\ng kum liăn môi tiah kố gá tơtro khât’’.

Khu pơkuâ ngăn Đoân droh rơtăm Dak Lak diâp kơxo# liăn pơxiâm vâ pêi cheăng ăm droh rơtăm

{ă inâi Hâk tơngăm hâi mơjiâng Đoân Droh rơtăm Ko\ng san Hồ Chí Minh, tung khế droh rơtăm hơnăm kố, rơtế [ă tơdroăng ki rak vế mâu túa pơkâ droh rơtăm ki mơhno\ng pleăng tung hbrâ mơdât pơreăng COVID-19, hơnăm ối nếo Dak Lak kô tơbleăng hên tơdroăng cheăng, môi tiah: diâp mâu kơxo# liăn vâ pơxiâm pêi cheăng ăm droh rơtăm [ă tâi tâng kơnâ dâng 300 rơtuh liăn; tơku\m po tiâ mơnhên mâu tơdroăng ki pơxiâm vâ pêi cheăng [ă tơbleăng tơdroăng cheăng pêi ăm droh rơtăm; trâm mâ mâu kăn [o# Đoân tung mâu hneăng hdrối; pêi pro mâu kế tơmeăm, xing xoăng hnoăng cheăng droh rơtăm tơtro a kong pơlê, veăng mơnhông mơdêk cheăng kâ, mơjiâng thôn pơlê nếo [ă hên ki ê.

A cheăm Tân Hội, Khu pơkuâ ngăn Đoân tơring Đức Trọng, kong pơlê Lâm Đồng xuân hiăng tơku\m po leh lo lăm pêi cheăng Khế Droh rơtăm [ă hâi tơdrốu mơhno\ng pleăng hơnăm 2021. A kố, hên kế tơmeăm, xoăng cheăng ki ai pơxúa hiăng châ tơbleăng, môi tiah: Túa pơkâ ‘’Kơchơ kuăn pơlê kơdroh hvât xok hmâng vâ’’; hbru tơmeăm, diâp liăn hriâm rơkê ăm mâu vâi o hok tro kơtiê rơhêng vâ hriâm; xoăng 500 kơtâ mơ-éa hnê tối ‘na hbrâ mơdât pơreăng COVID-19 ăm kuăn pơlê [ă đoân viên, droh rơtăm.

{ă a Dak Nông, Đoân Kho#i mâu kơ koan [ă Khu mơdró kâ kong pơlê hiăng tơru\m [ă Đoân Ko\ng ti Nhôm Dak Nông – TKV tơku\m po tơdroăng ki pêt loăng ‘’Xua môi to hngêi kơmăi ngiât’’. Tơdroăng kố krếo thế đoân viên, droh rơtăm ko\ng ti pêi pro kơhnâ tơdroăng ki pêt nếo 1 rơpâu xiâm loăng tâ tá hngêi kơmăi. Mâu chi đoân ối tung ko\ng ti hiăng k^ tơkêa rak ngăn loăng ngiât, [ă tơdroăng pêi pro iâ hlái môi tíu pêt loăng ngiât, rêm ngế đoan viên pêt môi to xiâm loăng ngiât tâ tá tơnêi tíu ngiâ – krúa – le\m.

Tơmâng ngăn troh hơnăm ối nếo [ă tơdroăng cheăng dêi Khế droh rơtăm hơnăm kố, pôa Châu Ngọc Tuấn, kăn pho\ pơkuâ ngăn Đảng kong pơlê Gia Lai nếo ai rôh pêi cheăng [ă khu pơkuâ ngăn Đoân ‘na hnoăng cheăng tối tơbleăng Khế Droh rơtăm. Tơpui a rôh pêi cheăng, pôa Châu Ngọc Tuấn pơkâ thế: Rơtế [ă tơdroăng ki séa ngăn mâu tơdroăng, tơdroăng hnoăng cheăng hơnăm xua Tíu xiâm Đoân droh rơtăm tơbleăng, Khu pơkuâ ngăn Đoân droh rơtăm kong pơlê Gia Lai kal pêi pro nhên mâu tơdroăng tơtro [ă hnoăng cheăng ki kal, mơnhông cheăng kâ rêh ối pơlê pơla dêi kong pơlê.

Tung mê, kal tơtro\ng hnoăng cheăng tối tơbleăng đoân viên, droh rơtăm mâu pho#m vâ xông kân [ă kuăn pơlê ‘na hnoăng cheăng tâ ph^u pôk kăn Kuo#k ho#i hneăng má 15 [ă Ho#i đong hnê ngăn rêm râ hơnăm 2021 – 2026; ‘na hnoăng cheăng pôu râng dêi kuăn pơlê [ă rôh tâ ph^u.

Quốc Học chêh

Katarina Nga tơplôu [ă tơbleăng