VOV4.Sêdang - Hâi vâi hdrêng lâp plâi tơnêi ƀă xuân cho hâi apoăng dêi Khế pêi pro kum vâi hdrêng hơnăm 2021. Tơdroăng tung Khế pêi pro xua vâi hdrêng hơnăm kố cho “Tơrŭm rak toniăn pêi pro hnoăng ăm vâi hdrêng, kring vế vâi hdrêng tung pơla ai kong prâi pro ôh tá tơniăn, pơreăng tâ tú”. Tơdroăng pêi pro ai pơxúa hâi apoăng khế kố, mê cho Liăn ‘măn kơdĭng kum vâi hdrêng Việt Nam ƀă Khu ngăn cheăng pêi mố đô̆i tro rong ƀă rêh ối pơlê pơla pơkâ kum hmê kâ ăm lối 4 rơpâu ngế vâi hdrêng cho F0 ƀă F1 ki thế klâ krê tơchoâm vâ hbrâ mơdât pơreăngCOVID-19.

Tiô pơkâ mê, vâi hdrêng sap 0 -16 hơnăm dế pơlât, klâ krê tơchoâm kô châ kum liăn kâ 80 rơpâu liăn môi hâi môi ngế tung pơla 21 hâi. Tung pơla pêi pro tơdroăng mê hâi lơ 27/4 troh lơ 31/12/2021. Khu râng liăn kum vâi hdrêng Việt Nam krếo thế veăng tơlo, veăng kum ing mâu khu tơrŭm cheăng, mâu ngế tung tơnêi têa ƀă kong têa ê vâ vâi hdrêng Việt Nam tơkâ luâ rôh ki pá kô, kum ăm vâi hdrêng ai môi tơdroăng rêh ối tung la ngiâ tơniăn lĕm tâ.

Gương tơplôu ƀă tơbleăng