VOV4.Sêdang - Kơmăng 21/3, Khu xiâm Đôan droh rơtăm kŏng sản Hồ Chí Minh hiăng tơkŭm po leh khĕn kơdeăn 10 ngế hơnăm ối nếo Việt Nam hơnăm 2020. Kố cho mâu ngế hơnăm ối nếo kơhnâ rơkê ing mâu tơdroăng cheăng dêi khu hơnăm ối nếo rơxông nôkố. Pri mơhá ngiâ méa hơnăm ối nếo Việt Nam kơhnâ rơkê cho pri mơhá dêi Khu xiâm Đoân vâ mơhnhôk mâu hơnăm ối nếo mơ-eăm mơdêk  tơ’noăng hriâm, pơtâp, tí tăng ‘nâi plĕng khoa hok, pêi cheăng, hriăn tơdroăng ki nếo tung mâu vâi hdrêng; ‘mâi mơnhông mơdêk tơdroăng cheăng Đoân, Hô̆i, Đô̆i ƀă tơ’mot hên khu ki veăng tơmâng dêi pơlê pơla ƀă tơdroăng hnê hriâm, hriâm tơ’nôm ăm khu rơxông nếo.

Mâu ngế hơnăm ối nếo châ kơdeăn khĕn cho mâu ngế ki kơhnâ rơkê, kơnôm ing tơdroăng mơ-eăm dêi tơná ƀă mâu hnoăng pêi kân. Tung 10 ngế hơnăm ối nêó ki kơhnâ rơkê hơnăm 2020, ôh tá xê to mâu droh rơtăm, mâu hơnăm ối nếo tung tơnêi têa mê ai tá mâu droh rơtăm Việt Nam a kong têa ê hiăng mơhno ki rơkê tơná tung hên tơdroăng cheăng.

Gương tơplôu ƀă tơbleăng