VOV4.Sêdang - Hâi lơ 4/5, a Hà Nội, Khu xiâm kŏng an hôp pơkâ hnê mơhno tơdroăng mơjiâng chêh ‘mot kơxô̆ inâi tung kơmăi dêi tơnêi têa ƀă Tơdroăng tơkêa pêi pro, ăm ƀă rak ngăn căn cước kuăn  pơlê. Tiô tối tơbleăng, tung pơla pêi pro tơdroăng tơkêa chêh ‘măn kơxô̆ ‘na kuăn pơlê tung tơnêi têa hiăng châ chêh ‘mot tâi tung kơmăi lối 98 rơtuh ngế kuăn pơkê  tung lâp tơnêi têa ƀă dế tung pơla chêh tro “pro krúa”  tơdroăng nếo ai ƀă tơdroăng pơkâ ăm kơxô̆ inâi dêi ngế ki mê ăm tâi tâng khu xiâm kŏng an hdrối lơ 01/7/2021.

Riân troh lơ 27/4, tâi tâng hồ sơ xo pro căn cước kuăn pơlê dêi kŏng an a 63 to kong pơlê ai vâ chê 34 rơtuh hồ sơ, pêi châ vâ chê 68% tâng vâ pơchông ƀă 50 rơtuh hồ sơ. Ƀă tơdroăng tơdjêp tung kơmăi,  ‘măn rah mâu tơdroăng, nôkố Khu xiâm kŏng an hiăng tơrŭm ƀă ƀaoh hiêm pơlê pơla Việt Nam, Khu xiâm ngăn ‘na luât, Khu xiâm séa ngăn ƀă pro hlá mơeá-ƀơrô dêi Chin phuh, Khu xiâm ngăn ‘na pro hnoăng mơhá-khu xiâm ngăn ‘na liăn ngân tơpui tơno vâ môi tuăn mâu troăng hơlâ kih thuât vâ pơtối tơdjêp ƀă hlối pêi pro.

Gương tơplôu ƀă tơbleăng