VOV4.Sêdang - Kơxo lơ 22/3, pôa Bùi Tuấn Quang - Kăn phŏ hnê mơhnhôk cheăng xiâm tơnêi têa hiăng ai rôh pêi cheăng ƀă Khu kăn Đảng pơlê kong kơdrâm Plei Ku kong pơlê Gia Lai ‘na tơdroăng pêi tiô tối mơgêi kơxô̆ 120-KL/TW dêi Khu xiâm kal kí ‘na tơdroăng pơtối mơnhông mơdêk ki tơ-ƀrê, pơxúa tung mơjiâng ƀă pêi pro tiô luât pơkâ tro tuăn kuăn pơlê a pơlê cheăm.

Hơnăm kố nah, mâu kăn Đảng, Măt trâ̆n, mâu grup cheăng kal kí - rêh ối pơlê pơla a pơlê kong kơdrâm Plei Ku hiăng tơbleăng pêi tro tiô pơkâ  môi tuăn kuăn pơlê  a pơlê cheăm. Nôkố, 22 to cheăm, bêng ƀă mâu kơ koan, tíu pêi cheăng dêi pơlê kong kơdrâm hiăng pêi klêi tâi tâng, Khu cheăng hnê mơhno, pơkâ mâu tơdroăng pêi cheăng ƀă xĭng xoăng hnoăng cheăng ăm rêm ngế tro tiô pơkâ.

Tơpui mơgêi a hâi pêi cheăng, pôa Bùi Tuấn Quang, Ngế xiâm phŏ ngăn Hnê mơhnhôk xiâm tơnêi têa tối nhên, tung la ngiâ, pơlê kong kơdrâm pơtối hnê tối mơgêi kơxô̆ 120 ƀă mâu hlá mơ-eá chêh ki tơdjâk troh ‘na tơdroăng môi tuăn kuăn pơlê ăm tŭm tâi tâng ai chêh hên, mơdêk tơdroăng ‘mâi hơ’leh cheăng kâ, malối tơdah kuăn pơlê ƀă mơdêk tơpui ƀă kuăn pơlê.

Gương tơplôu ƀă tơbleăng