VOV4.Sêdang - Kơxê lơ 15/10, pôa Nguyễn Phước Lộc, kăn phŏ Khu hnê mơhnôk cheăng Tơnêi têa hiăng ai rôh pêi cheăng ƀă kong pơlê Bạc Liêu ‘na hnoăng cheăng hbrâ mơdât pơreăng COVID-19. Tiô tối tơbleăng, rôh pơreăng tâ tú má 4 a Bạc Liêu âi 823 ngế yương tĭnh ƀă SARS-CoV-2, ai 5 ngế hlâ. A rôh pêi cheăng, pôa Nguyễn Phước Lộc ăm ‘nâi, Khu hnê mơhnhôk cheăng Tơnêi têa hiăng tơdjêp mơhnhôk tŏng kum 4 rơpâu klŏng ƀă tŏng kum ăm khu ngăn pơkeăng ƀă khăm pơlât Bạc Liêu pâk ăm kuăn pơlê tung 2 hâi, tung la ngiâ ah kô pơtối pêi pro túa pơkâ kum Bạc Liêu rĕng pâk tŭm vaccine ăm tâi tâng kuăn pơlê.

Pôa Nguyễn Phước Lộc, kăn phŏ Khu hnê mơhnhôk tơnêi têa tơpui a rôh pêi cheăng

Pakĭng mê, Khu xuân hiăng mơhnhôk môi khu mơdró kâ a Pơlê kong kân Hồ Chí Minh kum Bạc Liêu 3.200 tơdroăng pơlât F0 a hngêi ƀă tâi tâng kơnâ 32 rơtal liăn, diâp 100 kơƀin ôxy kơƀin ki 4 lit.

Katarina Nga tơplôu ƀă tơbleăng