VOV4.Sêdang - Kơxo lơ 13/4, khu kăn pơkuâ hnê ngăn Đảng ƀô̆ Pơlê kong kân Hồ Chí Minh hneăng 11, hneăng hơnăm 2020-2025 tơkŭm po hneăng hôp roh má 5 ing tơdroăng pơkuâ dêi pôa Nguyễn Văn Nên, Vi ƀan cheăng tung Khu xiâm kal kí, Kăn hnê ngăn Đảng Pơlê kong kân Hồ Chí Minh. 

Tối tơbleăng a hneăng hôp, pôa Nguyễn Văn Nên, Kăn hnê ngăn Đảng Pơlê kong kân tối, tung pái khế apoăng hơnăm, pơlê kong kân Hồ Chí Minh hiăng tơkŭm hnê mơhno pơkuâ hnê, pro tơdroăng ki lĕm tro tung apoăng hơnăm ôi pê pro, tơ-brê; mâu tíu pêi cheăng kơvâ cheăng pêi châ tơ-ƀrê; mâu kơvâ cheăng pêi pro tơƀrê, malối cho tơdroăng pêi pro tơpeá tơdroăng “hlối mơnhông cheăng kâ, hlối plâ mơdât pơpreăng”.

Pôa Nguyễn Văn Nên, Kăn hnê ngăn Đảng Pơlê kong kân Hồ Chí Minh pơkâ kô̆ 1 cho tơdroăng hbrâ mơdât pơreăng COVID-19, pêi tro tơdroăng hbrâ rơnáu ăm hneăng tâ phĭu rah xo kăn Kuô̆k hô̆i ƀă Hô̆i đong hnê ngăn kuăn pơlê rêm râ. Pakĭng mâu tơdroăng hbrâ troh hâi tâ phĭu Kuô̆k hô̆i ƀă Hô̆i đong hnê ngăn kuăn pơlê rêm râ, hlối séa ngăn tơbleăng rĕng mâu pơkâ Pơlê kong kân Hồ Chí Minh, pơkâ pơlê kong kân Thủ Đức, hbrâ vâ trâm mâ kuăn pơlê mâu kăn dêi khu kong têa ‘na ‘ma tơdroăng liăn ngăn, hngêi rak liăn, hnê hriâm ƀă hên ki ê.

Gương tơplôu ƀă tơbleăng