VOV4.Sêdang - Khu kăn Kuô̆k hô̆i Việt Nam xua pôa Trần Thanh Mẫn, Ngế cheăng tung Khu xiâm kal kí, Ngế pơkuâ khu kăn hiăng veăng hôp rôh pơxiâm po hneăng Hôp 207 dêi Hô̆i đong Pơkuâ khu tơrŭm cheăng Kuô̆k hô̆i lâp plâi tơnêi pơxá (IPU) xiâm cheăng ƀă tơdroăng hôp mơ’no tơdrêng.

Pôa Trần Thanh Mẫn, Kăn xiâm phŏ  pơkuâ cheăng Kuô̆k hô̆i

Hneăng hôp roh má 207 dêi Hô̆i đong pơkuâ IPU po tiô tơdroăng mơ’no tơdrêng tung um tơvi 2 hâi, sap lơ 24 troh lơ 25/5/2021 vâ tơpui tơno ƀă tơbleăng tơdroăng pơkâ ‘na mâu tơdroăng tơdjâk troh dêi khu tơrŭm cheăng Kuô̆k hô̆i ki kân má môi dêi lâp plâi tơnêi. Kăn xiâm pơluâ IPU pôa Duarte Pacheco pơkuâ hneăng hôp, veăng hôp mê ai mâu kăn Kuô̆k hô̆i dêi 135 khu kăn Kuô̆k hô̆i dêi mâu kong têa tung khu.

Hneăng hôp tơkŭm tơpui tơdroăng ki “Tơkâ luâ pơreăng kân hâi kố ƀă mơjiâng môi hâi kơxo ah tơniăn lĕm tâ: Hnoăng cheăng pêi dêi mâu kăn Kuô̆k hô̆i’’.

 Gương tơplôu ƀă tơbleăng